影片
更多
2023-11-15
39 瀏覽
日前女朋友為我慶祝生日，好細心咁book左呢間位於尖沙嘴嘅高級日式廚師發辦晚餐（$1680）。餐廳環境同服務都非常好，加上食材非常新鮮，所以當晚嘅用餐體驗可以話係一流，好值得向大家推薦以下係我地當晚食嘅食物：前菜係好refreshing嘅靜岡番茄配切到絲咁幼嘅水雲海藻，再加埋非常鮮甜爽口嘅螺肉。薄切刺身方面，廚師安排左當造嘅伊佐目刺身。呢款刺身魚味好突出，配合埋白醬油一齊食非常鮮。之後係非常creamy嘅安康魚肝配醬油漬西瓜，撈埋啲幾爽口嘅北海道剝皮魚刺身一齊食。呢個配搭好新奇，口感同味道都令人一試難忘。下一道係中拖羅他他tart ，唔單止造型吸引，個tart皮鬆脆嘅口感更加係非常impressive！廚師特別用上「淡雪鹽」（即係海水米水嘅結合）黎調味，所以鮮味喺口入面噴發！另一款刺身係我好鍾意嘅鰤魚刺身，呢款魚嘅魚味好濃，口感好滑。食完刺身之後，廚師安排左明石八爪魚。八爪魚本身好好味，但估唔到舊白蘿蔔吸收曬啲精華之後更加鮮甜，好味程度甚至有啲蓋過八爪魚，哈哈！下一道嘅京都鴨可以話係我全餐飯嘅最愛：半生熟嘅鴨肉原來可以咁嫩，而鴨肉嘅鮮甜係我從來無expect過嘅！到壽司嘅部分，首先要讚
以下係我地當晚食嘅食物：
前菜係好refreshing嘅靜岡番茄配切到絲咁幼嘅水雲海藻，再加埋非常鮮甜爽口嘅螺肉。
薄切刺身方面，廚師安排左當造嘅伊佐目刺身。呢款刺身魚味好突出，配合埋白醬油一齊食非常鮮。
之後係非常creamy嘅安康魚肝配醬油漬西瓜，撈埋啲幾爽口嘅北海道剝皮魚刺身一齊食。呢個配搭好新奇，口感同味道都令人一試難忘。
下一道係中拖羅他他tart ，唔單止造型吸引，個tart皮鬆脆嘅口感更加係非常impressive！廚師特別用上「淡雪鹽」（即係海水米水嘅結合）黎調味，所以鮮味喺口入面噴發！
另一款刺身係我好鍾意嘅鰤魚刺身，呢款魚嘅魚味好濃，口感好滑。
食完刺身之後，廚師安排左明石八爪魚。八爪魚本身好好味，但估唔到舊白蘿蔔吸收曬啲精華之後更加鮮甜，好味程度甚至有啲蓋過八爪魚，哈哈！
下一道嘅京都鴨可以話係我全餐飯嘅最愛：半生熟嘅鴨肉原來可以咁嫩，而鴨肉嘅鮮甜係我從來無expect過嘅！
到壽司嘅部分，首先要讚師傅握壽司嘅手勢好好。我地當晚食左7款壽司，我特別喜歡嘅係其中嘅四款：石桓鯛壽司，原來呢款魚係好招積咁食海膽大嘅，唔怪得咁鮮甜啦！至於池魚壽司估唔到可以食到啲果香，同出面其他地方嘅池魚好唔同！
醬油漬吞拿壽司賣相一流，師傅將成塊紫蘇葉最精華嘅部分放上件壽司度，令味道嘅層次再昇華左！
北海道赤海膽壽司好新鮮，而且海膽嘅份量好多，絕對係回本之作！
燒物方面，師傅安排左燒焗北海道銀鱈魚，啲魚肉好滑溜，而且魚香十足，非常好食。
最後嘅甜品係香印提子配和歌山九條山柿 ，兩款水果都十分清甜可口，為呢餐飯作一個完美的收結。
張貼
