影片
更多
2022-01-20
582 瀏覽
第一次openrice 訂座後負責人打黎話當日係開張日 所以無得食第二次打電話訂座負責人話當日唔知要內部裝修定整地板？🥲又無得食⋯⋯第三次終於成功✌🏻寶寶興奮過開通屯馬線😎唔知係咪新開無耐😅Lunch set 選擇少揀左一陣都無咩岩食咁我地三個人 最後兩個叫同一款午市套餐我就叫左個套餐以外既單點金邊粉職員都非常生疏🙄要不斷傳話 不如直接搵個識嘅人同我講啦味道絕對唔係差！只係對比我食開既東南亞野更重口味甚至有一種食完口渴嘅感覺值得讚既係環境裝潢擺盤設計都明顯花過心思！其他⋯⋯有待改善🤔✐ 紅咖喱牛肋肉拌泰式蒜蓉包 $108午市套餐跟左三款前菜，其中一款生蝦無貨😩酸辣鳳爪我無掂過，青木瓜沙律太硬太青，我麻麻地🥺仲有冬瓜湯😂雖然有啲九唔搭八，不過幾好飲。紅咖喱裏面除咗有牛肋肉，仲有菠蘿、茄子仔、豆角、青椒、蕃茄仔之類，配料色彩繽紛好豐富，咖喱相當香濃，食落椰味偏重，餘韻覺得有啲過鹹，辣度唔算強，但有一兩次都食到我嗆喉會咳🤣🤣只配兩片蒜蓉包，好似孤寒咗啲😅老實講碗咖哩咁多，兩件包邊到點得晒，最後搞到都要另外叫多個白飯🤔甜品係椰汁千層糕，暖暖地椰汁幾香，煙煙韌韌又係唔錯😝✐ 泰式鮮蝦金邊粉 $1
負責人打黎話當日係開張日 所以無得食
第二次打電話訂座
負責人話當日唔知要內部裝修定整地板？
🥲又無得食⋯⋯
第三次終於成功✌🏻
寶寶興奮過開通屯馬線😎
唔知係咪新開無耐😅
Lunch set 選擇少
揀左一陣都無咩岩食咁
我地三個人 最後兩個叫同一款午市套餐
我就叫左個套餐以外既單點金邊粉
職員都非常生疏🙄要不斷傳話
不如直接搵個識嘅人同我講啦
味道絕對唔係差！
只係對比我食開既東南亞野更重口味
甚至有一種食完口渴嘅感覺
值得讚既係環境裝潢
擺盤設計都明顯花過心思！
其他⋯⋯有待改善🤔
✐ 紅咖喱牛肋肉拌泰式蒜蓉包 $108
午市套餐跟左三款前菜，其中一款生蝦無貨😩酸辣鳳爪我無掂過，青木瓜沙律太硬太青，我麻麻地🥺
仲有冬瓜湯😂雖然有啲九唔搭八，不過幾好飲。
紅咖喱裏面除咗有牛肋肉，仲有菠蘿、茄子仔、豆角、青椒、蕃茄仔之類，配料色彩繽紛好豐富，咖喱相當香濃，食落椰味偏重，餘韻覺得有啲過鹹，辣度唔算強，但有一兩次都食到我嗆喉會咳🤣🤣只配兩片蒜蓉包，好似孤寒咗啲😅老實講碗咖哩咁多，兩件包邊到點得晒，最後搞到都要另外叫多個白飯🤔
甜品係椰汁千層糕，暖暖地椰汁幾香，煙煙韌韌又係唔錯😝
✐ 泰式鮮蝦金邊粉 $118
無錯！又係金邊粉🤤三隻大蝦🍤呢個金邊粉同平時食開嘅有啲唔同，佢係非常重茄汁茄膏味，偏濃味食食下覺得鹹左啲，酸酸辣辣得好明顯，甚至有啲似西炒飯個fd西炒「麵」😂😂😂
✐ 泰式燒豬頸肉 $108
Heavy到震既豬頸肉，忍唔住都要order🤩豬頸肉無咩燒到燶邊，所以油脂香弱左少少，但質地爽口都滿意既，唔洗點醬都ok😋份量都足。
張貼
