洪師父牛肉麵

營業中

休息中

今日入東涌，見到呢間幾吸引，入去試下。。。🌟珍珠奶綠珍珠非常好，好煙韌，但有少少黏。綠茶味幾濃，個人覺得少甜已夠甜。奶味唔特出。🌟紅燒半筋半肉麵／半肚半肉麵湯底唔算濃，一般紅燒味。揀左粗麵，好有咬口。牛筋炆得幾腍，還好。牛肉／牛筋腩夠腍，肉質小柴。但牛肚可以話係冇質感，唔推。🌟滷肉飯配香酥雞排滷肉飯飯質有咬口，撈埋配菜成個飯昇華！（菜脯最好食）雞排肉較薄，夠脆夠味，但好厚粉。總：食物／飲品味道唔錯，但服務較差，冷氣凍要求閂細D，但服務員聽咗就算。價錢小貴，但都係值得一試既台灣野。