尚青商號 (已搬遷) 新店位置

最近呢一間位於灣仔嘅台式餐廳大熱！離遠已經見到長長嘅人龍，得悉佢哋嘅牛肉麵好出色，可以食到滿滿台灣嘅味道。實在太耐冇去過旅行喇，小編決定同前面排緊隊嘅三十位朋友一齊一解思念台灣之情。講到台灣又點少得牛肉麵，小編今次叫咗兩款唔同湯底嘅牛肉麵，分別係紅燒牛肉麵以及埔里花雕牛肉麵（餐廳提供半筋半肉嘅選擇）每個套餐都包括一杯飲品（冬瓜茶/紅茶，你加錢升級至其他），以及三項小菜（油條、酸菜 、及是日小菜），小編覺得酸菜真係夠曬酸香惹味好食，但係油條就偏向硬身，牙齒唔好就比較難咬。紅燒牛肉麵有滿滿嘅蔥花以及牛肉，麵可以揀闊身麵或者幼麵，湯底味道一般，但加咗自家製嘅辣椒油之後，湯底完全升級！建議點都加返少少辣椒油，成碗麵香好多！（辣椒油出色）花雕牛肉麵湯底有恰到好處嘅花雕酒香，於麵上加上幾粒杞子，整體視覺更加賞心悅目。貪食嘅小編另外嗌多咗一份甜不辣，餐廳好不吝嗇地灑上大量嘅蒜粒，正啊重口味。甜不辣偏小辣，好有咬口好煙銀！另，小編見到好多食客都嗌左麻辣鴨血，但係小編唔食鴨，所以就無試到（杜文澤先生寄賣的小杜鴨血亦於此店有售）聽到食客們都話好香好好味，喜歡鴨血嘅朋友仔點解會鍾意呢～小編滿足完食，如果好掛