上海婆婆 (新都城中心) (已結業)

今日同女性友人c一齊係將軍澳食午飯...時間係3點幾, 好多食肆都收午市, 咁岩得上海婆婆仲未打祥, 就去試試吧!食肆環境唔錯, 兩個人例牌叫左小籠包, 黑醋排骨, 婆婆粗炒 三碟. 小籠包:講真, 冇咩特別, i mean唔係特別好食, 亦唔係特別難食, 可以話食左冇感覺. 黑醋排骨:賣相同餐牌既"完全"唔同! 味道正常, 骨大, 好多菠蘿, 其實我唔介意佢排骨數目少, 但太多菠蘿及洋蔥令人覺得好似有點意做作...婆婆粗炒:各位可睇相, 都應該估到是什麼味道...對於價錢及食物品質, 我可以說是尚可接受, 但當我埋單時發現佢地原來收4蚊茶錢....再於茶錢上加一, 就感到有點兒那過! 因為我全程都只係飲左一杯淡而無味既茶水, 唔可以算係茶! 埋單$149...等如每人一個下午食75蚊...作為食客, 任何人都希望連鎖食肆收費合理, 至少不要讓人出了錢而什麼服務或味道都沒有的感覺! 這次的4蚊雞, 就令我覺得一個食肆的各項收費直接影響其品牌形象. 而今次的茶水費就令我覺得有如給他人從自己的口袋中拿盡一分一毫的感覺一樣!各位下次食飯結帳, 宜多留意收費項目, 因為大家都是用血汗搵錢的