美食園林餐廳 (已結業)

上兩個星期一又提早一個站落車，每逢沿著駱克道西行，都會見到呢間茶餐廳不少人排隊買包食，名字聽落去就好似有點兒high class，但是剛剛相反，它可以說是好舊式冰室與冇乜裝修過的茶餐廳之間，沒有電視，水吧開大個收音機，環境不討好，還好的算是冇小動物周圍走。在餐牌上點了羅宋湯通粉加菠蘿油，湯頗濃但熱一的就更加好，料子豐富，菠蘿油即使凍左，都保持到鬆軟，兼咬落去面頭時仍然脆脆地，加埋杯凍啡，咁就奉獻左廿一蚊啦。