ShowTime Sports Bar

營業中

休息中

嚟到諾士佛台，始終都係比較鍾意樓上舖，樓下實在太嘈了，靜靜地同個friend飲杯食吓小食，紓緩吓一整日嘅工作煩惱同壓力。主要happy hour嘅時候叫啤酒，可以留定幾杯慢慢飲，happy hour 60幾蚊又真係幾抵。同埋呢間酒吧仲有啲超抵食嘅串燒，低至$10一串，$10一串雞髀菇又真係唔錯，雞皮都超爽口脆脆，串燒嚟講又真係幾唔錯，同埋有啲特色燒丸（我諗就係類似甜品，甜甜地嗰啲丸子）額外亦都叫咗水牛城雞翼同埋薯條，雞翼份量都好大份，晚餐嚟講其實真係好足夠，再配埋薯條喱兜澱粉質，我哋兩個女仔真係食到有啲飽。大致上環境都唔錯，今日唔係太熱都比較鍾意坐露台，靜靜地談吓心傾吓偈。