影片
更多
2019-01-23
144 瀏覽
就嚟新年喇！準備新年之前，梗係要食返餐團年飯喇！今日就同我朋友去咗食團年飯，朋友一向鍾意食中國菜，又適逢佢嘅生日，所以我就選左間高級又有名氣嘅中菜一齊食。冇錯就係去鼎爺設計嘅餐廳，雖然依間唔係鼎爺嘅私房菜，係佢同另外一個有30年經驗廚師合辦嘅餐廳，不過相對上價錢就比較合理平民啲，想試下佢設計嘅菜，黎依到就平小小。我哋叫左個行政套餐，埋單大概500幾蚊一位，都算合理嘅。鮮蟹肉金湯煲仔翅行政套餐有好多鮑參翅肚可以食，而呢一個就係有蟹肉嘅煲仔翅喇。金黃色嘅湯其實係南瓜湯底，有好多翅同好多蟹肉，一睇就知好名貴。份量真係好多，食極都食唔完啊。金菇粉絲蒜蓉蒸貴妃蚌金菇粉絲不嬲都係我摯愛，不過今次就唔係配肥牛而係配高級既貴妃蚌。用蒜蓉去蒸真係好香，一拎埋嚟好一大陣蒜頭嘅香味，而且貴妃蚌好爽口，全部都好入味，但就油左少少。銀蘿清湯牛坑腩清湯牛坑腩，估唔到都好有驚喜，個湯睇落清，但飲落好濃郁，好勁既牛味，牛坑腩又軟又腍好好味呀。懷舊蕃薯糖水最尾仲有甜品，懷舊番薯糖水。甜品方面較為普通，番薯煮得太腍，欠缺左少少既咬囗，但個糖水底就好甜好好味啦。服務員大致啲姐姐同哥哥都好勤力好快會幫你斟水同埋會幫你換碟，服
今日就同我朋友去咗食團年飯，朋友一向鍾意食中國菜，又適逢佢嘅生日，所以我就選左間高級又有名氣嘅中菜一齊食。
冇錯就係去鼎爺設計嘅餐廳，雖然依間唔係鼎爺嘅私房菜，係佢同另外一個有30年經驗廚師合辦嘅餐廳，不過相對上價錢就比較合理平民啲，想試下佢設計嘅菜，黎依到就平小小。
我哋叫左個行政套餐，埋單大概500幾蚊一位，都算合理嘅。
鮮蟹肉金湯煲仔翅
行政套餐有好多鮑參翅肚可以食，而呢一個就係有蟹肉嘅煲仔翅喇。金黃色嘅湯其實係南瓜湯底，有好多翅同好多蟹肉，一睇就知好名貴。份量真係好多，食極都食唔完啊。
金菇粉絲蒜蓉蒸貴妃蚌
金菇粉絲不嬲都係我摯愛，不過今次就唔係配肥牛而係配高級既貴妃蚌。
用蒜蓉去蒸真係好香，一拎埋嚟好一大陣蒜頭嘅香味，而且貴妃蚌好爽口，全部都好入味，但就油左少少。
銀蘿清湯牛坑腩
清湯牛坑腩，估唔到都好有驚喜，個湯睇落清，但飲落好濃郁
，好勁既牛味，牛坑腩又軟又腍好好味呀。
懷舊蕃薯糖水
最尾仲有甜品，懷舊番薯糖水。甜品方面較為普通，番薯煮得太腍，欠缺左少少既咬囗，但個糖水底就好甜好好味啦。
服務員大致啲姐姐同哥哥都好勤力好快會幫你斟水同埋會幫你換碟，服務業好辛苦真係辛苦曬喇。不過有知客姐姐既服務就麻麻地，有待改善啊。
張貼
