Maki拉麵 (已結業)

Maki 拉麵今日同朋友去到油麻地諗住搵一啲隱世小店，行行吓見到一間叫做Maki拉麵, 鋪面好似幾有特式，所以入去一試。我同朋友叫咗兩碗拉麵同兩個小食，拉麵有硬度選擇，可以迎合唔同人嘅口味。特濃豚骨拉麵配普通硬度嘅麵：豬骨湯底幾濃郁，湯底唔會十分熱，適合一啲唔太鍾意高溫嘅客戶。叉燒有少少燒焦嘅感覺，肉質幾稔，識落唔錯；紫菜大大塊，正！有半隻流心溫泉蛋，味道亦不錯。配料量大，雲耳咬落非常爽口。黑蒜油豚骨拉麵配軟麵：朋友叫咗呢碗，黑蒜味頗濃，味道不錯，其他配料與特濃豚骨拉麵差不多。雞軟骨餃子：餃子煎得唔錯，金黃色，脆口。雞軟骨做餡頗為特別，承諾亦唔會覺得好硬，可以一試。炸雞：炸得唔錯，外脆內嫩，雞肉仲有彈性。醬汁酸酸的，都幾特別。老闆仲送咗自家製櫻花蝦醬俾我哋，原來係周年紀念，食拉麵送醬料，都幾好！