影片
更多
2018-03-14
61 瀏覽
今天媽咪有啲野要做趕唔切煮飯，然後佢打俾我問我不如一齊出去食個晚餐。左諗右諗，對於電車路一帶嘅餐廳已經食到有點厭悶，不如向上發展？平時嘅星期六日我會嚟到呢附近嘅一間咖啡廳飲咖啡，然後做好嗰個星期未做嘅工作。之前行過已經對呢一間一碗小面有興趣。但每次上到黎都會好飽，今日呢個晚上我決定同媽咪一齊上嚟呢度食個快閃晚餐。呢排喉嚨有啲痛點左個洛神花冰粉特飲，好鍾意冰粉，覺得口感好不錯！配上洛神花酸酸甜甜，解辣又夠清新。幫媽媽點左雞絲伴麵，價格都係講緊四十零蚊，因為媽媽唔食得辣所以呢點菜方面一定要注意啦，好在呢度唔少嘅食物都可以選擇辣或者唔辣。雞絲伴麵分量十足有麻醬啦，蘿蔔絲，青瓜絲以及豐富嘅雞絲。拌麵唔會太淋，有點口感，麻醬香濃美味，分量超多。小菜方面點左一個我媽媽永遠都唔會響屋企煮嘅魚香茄子，當然啦，呢啲要炸完之後再炒嘅嘢，佢係應付唔到嘅。所以出街食呢就一定會食一啲佢煮唔到嘅嘢食。魚香茄子你到嘅時候鑊氣好香，同樓下新超記完全冇得比。然後媽媽就不停話。唉點解我地要着電車路附近啊。。。點解我地附近嗰啲茶餐廳或者餐廳咁難食嫁。。。點解好食嘅嘢要行上山啊。。。。望住我媽媽嘅10萬個為什麼，我都笑左一下
平時嘅星期六日我會嚟到呢附近嘅一間咖啡廳飲咖啡，然後做好嗰個星期未做嘅工作。之前行過已經對呢一間一碗小面有興趣。但每次上到黎都會好飽，今日呢個晚上我決定同媽咪一齊上嚟呢度食個快閃晚餐。
呢排喉嚨有啲痛點左個洛神花冰粉特飲，好鍾意冰粉，覺得口感好不錯！配上洛神花酸酸甜甜，解辣又夠清新。
幫媽媽點左雞絲伴麵，價格都係講緊四十零蚊，因為媽媽唔食得辣所以呢點菜方面一定要注意啦，好在呢度唔少嘅食物都可以選擇辣或者唔辣。雞絲伴麵分量十足有麻醬啦，蘿蔔絲，青瓜絲以及豐富嘅雞絲。
拌麵唔會太淋，有點口感，麻醬香濃美味，分量超多。
小菜方面點左一個我媽媽永遠都唔會響屋企煮嘅魚香茄子，當然啦，呢啲要炸完之後再炒嘅嘢，佢係應付唔到嘅。所以出街食呢就一定會食一啲佢煮唔到嘅嘢食。
魚香茄子你到嘅時候鑊氣好香，同樓下新超記完全冇得比。然後媽媽就不停話。唉點解我地要着電車路附近啊。。。點解我地附近嗰啲茶餐廳或者餐廳咁難食嫁。。。點解好食嘅嘢要行上山啊。。。。
望住我媽媽嘅10萬個為什麼，我都笑左一下。
的確相比德輔道西皇后大道西附近，呢一度嘅魚香茄子無論達達定係質素都高好多。小菜一碟先至係講緊60，山腳一個冇鑊氣嘅炒飯已經60啦！
我自己呢就點左一個酸辣粉，見到嘅時候。。呢個係咪兩個人份量嚟㗎？？無論肉碎花生等等全部都足料得很。
美中不足呢就係比較唔喜歡將菜放埋係一啲有辣油嘅食物裏邊。但整個粉嘅湯底配菜以及麵質都好好。
飽飽的一餐兩個人先埋單＄200。然後我好想同媽媽講係呀唔單止食物好食又平過電車路。。。連啲樓都平過同靚過電車路㗎。。。樓齡又細d, size 又大D 食物又多D ... 不過兩位老人家點樣行到呢條斜路呢？？
張貼
