Ufufu Cafe (已結業)

為左慶祝一個超鐘意食甜品既朋友生日，專登上網搵左呢間係有晚餐又有甜品食既餐廳！就算係星期五，大約七點黎到都唔洗等就有位可以直接入👍🏻一坐底友人一見到有個專門係for甜品既menu就即刻雙眼發光🙈🙈 不過我地點都要嗌左啲主食先再食甜品既🤣吉列豬扒咖哩蛋包飯😋 呢個飯既分量都唔少 一個人食應該會好飽🙈咖哩汁好好味 送飯食一流👍🏻大蝦車打芝士pizza☺️ 呢個應該係平時食開果啲6吋size我諗🙈 都幾好食 但當然就冇pizza店果啲咁好食啦😂和風雞翼👌🏻有5隻！個汁甜甜地 不過食唔出係咩汁🤔 雞翼炸得好香口☺️由於食完啲主食已經飽 所以只打算嗌一個甜品share食算啦🤣係幾十款既芭菲入面同梳乎厘pancake入面，我地最後決定嗌最近既大熱梳乎厘pancake試下🙈🙈雜苺家族梳乎厘pancake🍓 其實食落有啲似海綿蛋糕🤔 因為都幾厚身同個口感幾實 不過我地冇人試過正宗既梳乎厘pancake 所以都唔知呢個係咪唔太似梳乎厘pancake🤣🤣