真知味 (已結業)

車仔麵都算係香港代表之一，係花園街+金魚街已經有幾間，但好食嘅得兩間。今日返工前去左食其中一間我認為好食嘅車仔麵老鋪-真知味。呢到係傳統咁先揀餸後比錢，跟住自己攞埋位食。我就無叫麵底，叫左生菜，冬菇，魚皮餃，豬大腸，炸雞亦+辣汁。冬菇同豬大腸鹵得夠耐好入味，菜好爽，雞亦同魚皮餃就普通，成碗野整體係ok，但唔係個個都接受到呢到食野。點解？因為呢到衛生環境麻麻，食開都知呢到烏蠅相比其他食肆要多，間鋪入面嘅位仲成日聞到陣陣廁香，今日仲比我見到個侍應跌左支外賣羹落地下，佢換左隻新嘅比人，但就係個客面前執返，擦左一下就擺返落堆外賣羹到比下一個用，其實其他鋪都可能會咁做，但都唔好係個客面前做呀，真係接受唔到囉！所以就算呢間有幾好食，我都係去少d為妙。