影片
更多
2024-03-19
151 瀏覽
今日同家人去咗新港城金記食飯 見到鐵板餐第二個有半價圖片又幾靚價錢又ok諗住試下啦 點知一入去坐低裏邊嗰啲服務員真係忙到你唔信。首先水都唔識俾杯你飲 匆匆劈低菜單然後叫你掃碼。整間鋪根本就個個客人都係自助嘅自助攞水自助攞紙巾自助攞調料，乜都自助好似食咗自助餐咁 最重點係啲人係要不斷噉樣催先至會攞到餐俾你。我哋叫咗一個西冷扒同一個雜扒 而且係選擇鐵板上嘅 但一上菜即刻知道中曬伏 個鐵板除咗用微溫嚟形容之外我都唔識講係點樣講 雜扒嗰塊雞扒燶到黑鼆鼆而且得浸皮 嗰塊牛扒幾寸厚我叫七成但係唔熟。但神奇在唔熟得嚟又可以又硬又冇味！ 嗰啲羅宋湯仲好野酸到好似用醋煲嘅噉 老實講嗰啲大集團乜家樂乜快活我都覺得呢D既扒已經夠差佢可以差過佢哋嘅，你話係咪犀利 最重點係乜嘢哩最重點係食嘅嘢真係差到你唔信兩個餐雖然唔貴，收咗170文但係我只可以講我亦都見到隔離嘅人都係講嗰句冇下次。你話香港嘅飲食漸入寒冬我同你講如果間間都係噉香港就嚟要執曬嘅喇
張貼