影片
更多
2016-03-15
379 瀏覽
絕對冇下次岩岩放工有啲餓諗住買個格仔餅食，見未試過呢間嘅格仔餅就去排隊啦排左10分鐘左右就黎排到，整雞蛋仔果個呀姐粒聲唔出用佢刮雞蛋仔果把刀敲下玻璃（好唔衛生）、後面啲熟客就衝哂上去排左第二條買格仔餅嘅隊出黎既然係咁做乜唔一開始就整兩條隊分開排？佢呢啲咁嘅安排仲係咪想做生意？不如一開始就唔好排隊啦？呀姐敲一敲玻璃，個個仆上去搶咪算囉？講起排隊，呢間野熟食加埋雞蛋仔兩條隊日日早午晚都排到欄住哂成條路但呢間野啲人大半年黎完全冇處理過呢個問題，其實對日日都經過果度附近嘅人黎講真係好大滋擾返正題，結果我排去呢個呀姐新整出黎嘅隊我前前後後花多左成倍時間先買到呢件格仔餅店員差，但如果啲野好食都算，弊就弊在唔好食個格仔餅少少蛋味都冇，眼見住個呀姐搽牛油根本冇搽開，一大舊牛油咁就將個格仔餅對摺其實唔單只冇蛋味仲一啲都唔香。佢地為左做多幾個客啲格仔餅未夠時間就拎俾客，成舊野林嘅，表面亦唔香脆啲煉奶花生醬稀到好似水咁，佢將個格仔餅放入紙袋啲醬就即刻流哂落底，基本上除左個冇蛋味嘅餅咩都食唔到以前試過佢啲雞蛋仔，因為同一個蛋漿，同一種經營手法，冇蛋味，唔香脆，never again最慘係食到谷住道氣呢啲認錢唔
岩岩放工有啲餓諗住買個格仔餅食，見未試過呢間嘅格仔餅就去排隊啦
排左10分鐘左右就黎排到，整雞蛋仔果個呀姐粒聲唔出用佢刮雞蛋仔果把刀敲下玻璃（好唔衛生）、後面啲熟客就衝哂上去排左第二條買格仔餅嘅隊出黎
既然係咁做乜唔一開始就整兩條隊分開排？佢呢啲咁嘅安排仲係咪想做生意？不如一開始就唔好排隊啦？呀姐敲一敲玻璃，個個仆上去搶咪算囉？
講起排隊，呢間野熟食加埋雞蛋仔兩條隊日日早午晚都排到欄住哂成條路但呢間野啲人大半年黎完全冇處理過呢個問題，其實對日日都經過果度附近嘅人黎講真係好大滋擾
返正題，結果我排去呢個呀姐新整出黎嘅隊我前前後後花多左成倍時間先買到呢件格仔餅
店員差，但如果啲野好食都算，弊就弊在唔好食
個格仔餅少少蛋味都冇，眼見住個呀姐搽牛油根本冇搽開，一大舊牛油咁就將個格仔餅對摺
其實唔單只冇蛋味仲一啲都唔香。佢地為左做多幾個客啲格仔餅未夠時間就拎俾客，成舊野林嘅，表面亦唔香脆
啲煉奶花生醬稀到好似水咁，佢將個格仔餅放入紙袋啲醬就即刻流哂落底，基本上除左個冇蛋味嘅餅咩都食唔到
以前試過佢啲雞蛋仔，因為同一個蛋漿，同一種經營手法，冇蛋味，唔香脆，never again
最慘係食到谷住道氣
呢啲認錢唔認客嘅舖頭，我真心希望佢全線結業
張貼