月禾居串燒手打鳥冬 (已結業)

今天約左朋友去旺角買波鞋，行左一輪後，終於買到，於是就係附近搵食休息下~行行下見到呢間餐廳，覺得門面都幾OK咁，於是就入左去我揀左碗大蝦海鮮烏冬，食落烏冬彈牙煙韌，蝦肉鮮甜爽口，粟米粒清甜美味，青口也很清甜有嚼感，加上份量十足，以這價錢來說都還可以吧~另外朋友亦叫左個滑蛋鰻魚飯，份量也是很多，蛋很嫩滑，鰻魚燒得很香，啖啖肉香四溢，醬汁更是不會太咸，配埋粒粒又白又軟熟的白飯一齊食就更是滋味~同時更叫左和牛粒，細細粒，一啖一粒，牛肉味濃，很嫩滑，又入味，用黎送白飯食就最正！之後我地仲未夠飽咁，於是就叫左碟大蝦天婦羅，侍應送過黎時白雪正咁，一睇就知唔係用千年油黎炸，感覺好似較健康，細味一口發覺大蝦外脆內軟，炸粉很香脆，完全唔覺油膩，確係幾有水準^^ 最後我地埋單三百二十元，係旺角黎講都真係算唔錯喇~