松記糖水店

營業中

休息中

其實我都食過幾次，不過實在太遠啦。最近都要出荃灣，前排先知道松記開到黎元朗，見有時間就過黎食餐甜品吧。由於時間尚早，所以人流唔算太旺。蘆薈清涼爽由三種特別既材料整既甜品，有幾特別？因為除左蘆薈之外，其他既甜品我都唔知係咩黎。不過食落有幾有咬口，口感唔錯既。為左提升口感，加上左咖啡奶。令個甜品更好食。奶皇湯圓另一個幾好食既甜品，幾乎次次都會食既。奶皇湯圓既皮都唔算太厚，食落好有咬口。而且湯圓餡好香，香而不甜。再配上驅寒既薑汁，就算再幾凍，食完都會有種暖笠笠既感覺。CK酥又一得意既甜品，上面有個紅豆雪糕。而下面就有層脆餅，脆餅之下就有水果。食落有幾種口感，創意非常。不過，用雪糕同脆餅一齊食。個味道係最夾既，不過食完真係有滯。但我覺得呢個甜品係最特別，最得意既。呢餐甜品都幾好，價錢又算大眾化。而且選擇都幾多，實有翻兜既機會。