影片
更多
2018-02-27
58 瀏覽
呢間嘢係太子站附近，落車大約行十分鐘就到，都幾就腳。一到步其實都唔係好覺佢係餐廳，因為佢設計都偏向於半開放式，好似歐洲盛行嘅酒吧咁。廚房同街外嘅景況都可以盡收眼中，加上枱上嘅爉燭同店內昏暗柔和嘅光線，令人有種好放鬆嘅感覺。我地叫左黑毛豬火腿小麥包，黑松露帶子，慢煮牛腩包，蛋汁意粉，分子雪糕，焦糖燉蛋，同兩杯佢推薦嘅嘢飲。每道菜上菜嘅時間好好，一份接住一份，等待時間唔長。首先黎到嘅係兩杯嘢飲，我果杯係藍莓鮮奶，我一飲就愛上左，因為佢藍莓味同奶味調得恰到好處，口感綿滑，非常開胃，真係好好飲。跟住係火腿小麥包，佢嘅包係自家制，好脆口，同48個月嘅風乾火腿不論口感同味道都好夾，分量好足，有六份，中意火腿嘅我可以一飽口福，係一道唔錯嘅前菜。再來係黑松露帶子，擺盤好精緻，而呢道菜比較驚喜嘅係黑松露並冇搶走帶子本身嘅味道，佢嘅醬比較淡口，做左一個好好嘅調和效果，帶子鮮嫩，口感十分好。之後就係慢煮牛腩包，呢個係侍應推薦，亦係佢地餐廳主打之一，結果係冇令我地失望!佢個包幾有咬口，牛腩好腍好入味，仲有啲油汁令個包唔乾口，加上洋蔥去平衡油膩嘅感覺，成個包非常高質! 之後就係主菜蛋汁意粉啦，佢個汁好cream
呢間嘢係太子站附近，落車大約行十分鐘就到，都幾就腳。一到步其實都唔係好覺佢係餐廳，因為佢設計都偏向於半開放式，好似歐洲盛行嘅酒吧咁。廚房同街外嘅景況都可以盡收眼中，加上枱上嘅爉燭同店內昏暗柔和嘅光線，令人有種好放鬆嘅感覺。
我地叫左黑毛豬火腿小麥包，黑松露帶子，慢煮牛腩包，蛋汁意粉，分子雪糕，焦糖燉蛋，同兩杯佢推薦嘅嘢飲。每道菜上菜嘅時間好好，一份接住一份，等待時間唔長。
首先黎到嘅係兩杯嘢飲，我果杯係藍莓鮮奶，我一飲就愛上左，因為佢藍莓味同奶味調得恰到好處，口感綿滑，非常開胃，真係好好飲。跟住係火腿小麥包，佢嘅包係自家制，好脆口，同48個月嘅風乾火腿不論口感同味道都好夾，分量好足，有六份，中意火腿嘅我可以一飽口福，係一道唔錯嘅前菜。再來係黑松露帶子，擺盤好精緻，而呢道菜比較驚喜嘅係黑松露並冇搶走帶子本身嘅味道，佢嘅醬比較淡口，做左一個好好嘅調和效果，帶子鮮嫩，口感十分好。之後就係慢煮牛腩包，呢個係侍應推薦，亦係佢地餐廳主打之一，結果係冇令我地失望!佢個包幾有咬口，牛腩好腍好入味，仲有啲油汁令個包唔乾口，加上洋蔥去平衡油膩嘅感覺，成個包非常高質! 之後就係主菜蛋汁意粉啦，佢個汁好creamy，但係唔會太杰，味道比較淡同清。意粉食得出唔係平時快餐店果隻，比較粗同埋比較有咬口。整體上唔會好膩，令人好快就可以食曬成碟。食飽就食甜品啦，不得不說佢嘅甜品真係令人喜出望外，因為餐廳主打係西班牙菜，所以覺得可能甜品未必會好出彩。但係!我地叫嘅兩個甜品都好好食!首先講下我叫嘅焦糖燉蛋，焦糖衣比一般嘅厚，味道上其實同一般嘅差唔多，但係重點係佢好creamy，即使係甜品店嘅燉蛋都冇咁creamy。而分子雪糕味道好清新，同埋佢勝在配料好多，而每樣配料都同個雪糕好夾，例如個海綿蛋糕。
總結黎講，呢一餐飯我好滿意!不論氣氛同味道都十分不錯，值得再食!
張貼
