影片
更多
2016-08-18
2315 瀏覽
同老公行行下街肚餓，見到對面有間頗有特式既小店，胃口大開。門口可以見到一個仿日本街頭既燒烤位置，耐唔耐會有大火。而座位就被安排0係旁邊的鋪位，小小的店，位置唔多，感覺迫迫地。無辦法啦，香港鋪租比樓價更貴，太子地段的生意實在唔易做。餐牌好簡單，有少量拉面（各式蟹黃拉面為主），少量定食，同大量串燒。我同老公都唔係太餓，所以只係叫左一款拉面同四款串燒小食。《生煮蟹皇拉麵》$138拉麵選左店主大力推介既蟹皇拉麵，拉面非常大碗，蟹件鋪滿麵面，好夠睇頭。湯面鋪滿黃黃既蟹油，引死人。先飲一啖湯，飲得出蟹膏味。再反開蟹蓋，試一大啖蟹膏，味道非常濃郁。最後食埋個拉麵，麵底一般般，無咩驚喜，偏軟唔夠彈性，似係連鎖居酒屋既質素，唔算專業。呢道菜蟹肉絕對出色，係拉麵扣左少少分。《燒明太子雞翼》$28每次去親串燒店，我都好鍾意叫呢款小食。咬開香脆既雞翼皮，流出少少明太子汁，再啜一啖，諗返起都流口水啊！呢度都無令我失望，火喉到位，雞翼外皮香脆，雞肉又能夠保持嫩滑。調味方便亦算出色，惹味得來唔太重口味。《原條燒茄子》$18出街食飯，仲希望有點蔬菜，感覺健康一點。燒茄子開邊原條上碟，視覺效果一流。茄子燒到剛剛好，熟透
餐牌好簡單，有少量拉面（各式蟹黃拉面為主），少量定食，同大量串燒。我同老公都唔係太餓，所以只係叫左一款拉面同四款串燒小食。
生煮蟹皇拉麵
$138
35 瀏覽
0 讚好
0 留言
生煮蟹皇拉麵
$138
29 瀏覽
0 讚好
0 留言
拉麵選左店主大力推介既蟹皇拉麵，拉面非常大碗，蟹件鋪滿麵面，好夠睇頭。湯面鋪滿黃黃既蟹油，引死人。先飲一啖湯，飲得出蟹膏味。再反開蟹蓋，試一大啖蟹膏，味道非常濃郁。最後食埋個拉麵，麵底一般般，無咩驚喜，偏軟唔夠彈性，似係連鎖居酒屋既質素，唔算專業。呢道菜蟹肉絕對出色，係拉麵扣左少少分。
原條燒茄子、明太子雞翼
17 瀏覽
1 讚好
0 留言
每次去親串燒店，我都好鍾意叫呢款小食。咬開香脆既雞翼皮，流出少少明太子汁，再啜一啖，諗返起都流口水啊！呢度都無令我失望，火喉到位，雞翼外皮香脆，雞肉又能夠保持嫩滑。調味方便亦算出色，惹味得來唔太重口味。
《原條燒茄子》$18
出街食飯，仲希望有點蔬菜，感覺健康一點。燒茄子開邊原條上碟，視覺效果一流。茄子燒到剛剛好，熟透熱辣辣，夾起又唔鬆散。配上店內特制調味粉，味道豐富有層次，值得一讚。
燒牛舌心、燒五花腩
9 瀏覽
0 讚好
0 留言
兩款燒肉係串燒店基本野，唔算特別，但都考功夫。腩肉燒得香脆，但肉質唔夠滑，不過不失吧。燒牛舌心反而有驚喜，牛舌厚度剛好，火候亦配合得而。唔會過熟或燒焦，但薄薄一層都做到好香口既效果，咬落去仲非常多汁添！
我地兩個人，食左一麵四小食，$23x，太子地段，價錢合理！今次無影低收據比大家參考（因為趕住去捉啓暴龍😛）
張貼
