緬甸招牌湯米線 (已結業)

先講一入餐廳，唔好太大期望有好濃嘅緬甸色彩裝潢，比較係家庭式經營感覺，樸實而選擇多嘅緬甸茶記。餐牌款式除左飯面，都有中式小菜，感覺好住家。呢碗緬甸椰香雞麵，汁底夠濃偏甜，但入口唔膩，雞肉份量大概一隻雞脾。個人覺得如果個麵再溫熱少少會更好味。家人叫嘅咖喱雞飯未食已經有好清香嘅香茅味，香茅襯咖喱汁好開胃，啱晒唔太食辣又想食咖喱嘅朋友。最後呢碗濃魚湯緬甸米線係終極推介，湯底混左椰汁同少酸辣，配菜有炸過嘅面筋，米線食落唔似出面食到嘅，比較幼身易入口。 由於個湯底好夠味，現場見不少客人叫呢碗米線再加餸，有豬皮豬耳豬肚等等，似乎熟客都好識食!