影片
更多
2021-11-16
464 瀏覽
尖沙咀加拿芬道一帶是購物天堂同寫字樓密集的區域，返工收工或者行街shopping攰攰地都好需要一杯咖啡黎提神。唔想飲Start_uck嘅話呢間就係一個優質選擇。喺尖咀返左工幾年，發現呢頭嘅Cafe數量係唔多嘅，尤其係我接受唔到連鎖店。行經門口已經聞到好香嘅咖啡味，仲聽到我鍾意嘅廣東話流行音樂。餓餓地就一於食埋個下午茶再歎杯咖啡。叫左一份All day breakfast 配 Cappuccino. 全部都係即叫即整，等待嘅時間一邊聽住音樂，一邊可以聽/聞到廚房處理食材嘅動靜。可見每樣食物都精心處理。上來的份量相當豐富，見到每樣配料都有2份。咖啡亦都好香。除左粟米，都合乎我No Carb嘅飲食習慣。沙律菜新鮮爽口，最重要係夠乾淨。仲有好別緻嘅車釐茄雕刻伴碟，好似比卡超有閃電形嘅尾巴。配合埋靚靚嘅拉花，非常適合打卡。BTW我都好想學拉花。煎得恰當嘅番茄，保留鮮嫩嘅汁，又有煎煮嘅香味。炒得香滑嘅炒蛋，有蘑菇增加口感，即使好大份食完都唔會覺得滯。皮脆肉嫩嘅腸，肉質好結實。充滿肉汁同鹹香嘅漢堡，配咖啡一流。（筆者而家嘅習慣係咖啡要配鹹味食物）配料咁多，當然要試下組合黎食，用烤得爽脆嘅麵包承托起黎
尖沙咀加拿芬道一帶是購物天堂同寫字樓密集的區域，返工收工或者行街shopping攰攰地都好需要一杯咖啡黎提神。唔想飲Start_uck嘅話呢間就係一個優質選擇。
喺尖咀返左工幾年，發現呢頭嘅Cafe數量係唔多嘅，尤其係我接受唔到連鎖店。行經門口已經聞到好香嘅咖啡味，仲聽到我鍾意嘅廣東話流行音樂。餓餓地就一於食埋個下午茶再歎杯咖啡。
叫左一份All day breakfast 配 Cappuccino. 全部都係即叫即整，等待嘅時間一邊聽住音樂，一邊可以聽/聞到廚房處理食材嘅動靜。可見每樣食物都精心處理。上來的份量相當豐富，見到每樣配料都有2份。咖啡亦都好香。除左粟米，都合乎我No Carb嘅飲食習慣。
沙律菜新鮮爽口，最重要係夠乾淨。
仲有好別緻嘅車釐茄雕刻伴碟，好似比卡超有閃電形嘅尾巴。
配合埋靚靚嘅拉花，非常適合打卡。BTW我都好想學拉花。
煎得恰當嘅番茄，保留鮮嫩嘅汁，又有煎煮嘅香味。
炒得香滑嘅炒蛋，有蘑菇增加口感，即使好大份食完都唔會覺得滯。
皮脆肉嫩嘅腸，肉質好結實。
充滿肉汁同鹹香嘅漢堡，配咖啡一流。（筆者而家嘅習慣係咖啡要配鹹味食物）
配料咁多，當然要試下組合黎食，用烤得爽脆嘅麵包承托起黎，再Sip埋塊煙肉入去，一啖就有齊唔同口味唔同感覺。
咖啡係無糖，可以感受原本嘅風味，因為奶泡夠多夠滑，唔會有酸味，好易入口，一杯都意猶未盡。
連車釐茄都食埋，留低一隻本來係耳仔嘅部分，而家變左天元突破眼鏡~
張貼
