Le Viet

營業中

休息中

一早買了戲票今晚在The One睇戲，睇戲前就在商場內食晚飯吧！天氣悶熱，特別想食酸酸辣辣的食身，所以就決定食越南菜。＊＊＊＊＊＊＊＊＊＊＊＊＊上次在The One吃泰國菜已經有留意毗鄰的Le Viet都頗多食客，今次幸好七點前已經到餐廳，所以很快就可入座，照片是我臨走前拍的，已經見到餐廳內已經滿座而且還要排隊。椰青($40)椰青又大又多水，椰青水滿滿，非常清甜，椰肉不算太硬，花點力氣已經可以吃到。柚子海鮮沙律($76)柚子海鮮沙律非常足料，除了柚子、香菜和腰果外，還有魷魚和蝦，沙律澆上足夠的越南醬汁，味道酸酸甜甜帶點微辣，非常消暑。炸蝦餅炸蝦餅一客有四件，碟邊伴有酸甜醬。蝦餅炸漿不厚，外表微脆，中間爽彈富蝦味，蘸上酸甜醬更好味。越式火車頭酸辣鍋($138)火車頭酸辣鍋放在煤氣爐上，入面有牛肉、牛丸、菠蘿和芽菜等，都幾多料。酸辣湯夠酸夠辣，非常惹味。香芒糯米飯($52)香芒糯米飯有黑糯米和白糯米各一球，上面澆上濃稠的椰漿，口感軟糯椰香味十足，都幾飽肚，芒果甜中帶點微酸，是糯米飯的絕配。總結，食物水準不俗，價格亦合理，下次來睇戲都值得再吃。