饃饃餃子 (已搬遷) 新店位置

一向都好鍾意食餃子，網上見到呢間小店主打尼泊爾餃子momo所以嚟試下。小店門口好細，但藍色嘅牆身好顯眼。店內鮮艷顏色牆身同花磚地好有畀國風情，面積唔大只有兩三個位。小店只有老闆同老闆娘兩個人，餃子即點即蒸/煎，所以落單後都等咗十分鐘先有得食。招牌爆汁蒸饃饃餃子(雞肉)，蒸餃皮好實在少少煙韌，一咬開有肉汁，內餡雞肉有香料同薑黃香味，配埋濃郁嘅芝麻花生醬好夾。餃子放喺藤織盤上面，為賣相加咗唔少分數。餐牌上話撈麵沙律尼泊爾學生放學後食嘅街頭小食，諗起以前小學時代成日食媽咪麵，所以都點咗一份試下。即食麵碎加咗紅洋蔥粒、蕃茄粒同芫茜，酸辣沙律汁食落好清新，但由於紅洋蔥粒係生嘅所以越食越辣。爆汁薯仔香脆波波係空心炸麵粉球，入面裝住薯蓉同香料，面頭有少少芫茜。老闆娘教我哋倒酸辣凍湯入去要一啖食晒，炸麵粉球脆卜卜，薯蓉吸晒酸辣凍湯，口感豐富好得意呢間小店餃子好好味，睇得出老闆同老闆娘對自己出品有堅持。下次我會再嚟試埋煎餃，同埋乳酪香脆波波。如果你都鍾意食餃子，不妨嚟試下呢間地道尼泊爾小食店。