影片
更多
2003-11-28
88 瀏覽
第一次經過呢度門口o個陣係下午, 裡面冇人兼且個竇望落黑猛猛, 所以心諗就算o黎食都唔使抱大期望. 不過, 凡事無絕對...星期二晚同一個朋友o黎o左呢度食飯, 傍晚時分呢度裡面燈光雖然都係暗暗地, 但見有鬼佬, 香港人同尼籍鄉里o係度幫襯, 於是放心點菜. 見到佢地o既餐牌真係有地道尼泊爾菜式, 我地就叫o左一碟炒豬雜, 一兜尼式煮雜菜, 一碟羊肉炒飯, 同兩杯乳酪冰.炒豬雜(Pork Bhutuwa; $40) - 非常地道o既尼泊爾菜. 由於o係'夢娜' 食過炒羊雜覺得幾正, 就試一試豬雜又係點o既味. 呢度o既Bhutuwa 其實係香草乾炒豬腩肉, 豬'雜' o既成分唔多, 只係得三四粒豬潤同豬肚, 其餘全部係五花腩片, 肥瘦均勻, 用香草o黎炒好香又唔會好乾, 調味又o岩o岩好, 又夠大碟, 我同朋友都覺得佢好好食, 冇揀錯! 用佢o黎送酒或者送飯就最o岩.尼泊爾式煮雜菜(Vegetable Makhanwala; $35) - 唔清楚Olivian小姐叫o既係乜o野雜菜, 我地叫o既尼式雜菜係用蕃茄奶油汁o黎煮, 感覺就好似食緊素菜版o既Makhani(蕃茄奶油汁煮雞),
星期二晚同一個朋友o黎o左呢度食飯, 傍晚時分呢度裡面燈光雖然都係暗暗地, 但見有鬼佬, 香港人同尼籍鄉里o係度幫襯, 於是放心點菜. 見到佢地o既餐牌真係有地道尼泊爾菜式, 我地就叫o左一碟炒豬雜, 一兜尼式煮雜菜, 一碟羊肉炒飯, 同兩杯乳酪冰.
炒豬雜(Pork Bhutuwa; $40) - 非常地道o既尼泊爾菜. 由於o係'夢娜' 食過炒羊雜覺得幾正, 就試一試豬雜又係點o既味. 呢度o既Bhutuwa 其實係香草乾炒豬腩肉, 豬'雜' o既成分唔多, 只係得三四粒豬潤同豬肚, 其餘全部係五花腩片, 肥瘦均勻, 用香草o黎炒好香又唔會好乾, 調味又o岩o岩好, 又夠大碟, 我同朋友都覺得佢好好食, 冇揀錯! 用佢o黎送酒或者送飯就最o岩.
尼泊爾式煮雜菜(Vegetable Makhanwala; $35) - 唔清楚Olivian小姐叫o既係乜o野雜菜, 我地叫o既尼式雜菜係用蕃茄奶油汁o黎煮, 感覺就好似食緊素菜版o既Makhani(蕃茄奶油汁煮雞), 個汁好濃蕃茄同奶油味, 冇乜咖喱味, 甜甜地, 雜菜有薯仔, 椰菜花, 蘑菇, 青豆同粟米. 料夠多, 個汁味清淡而質感濃郁, 都係值得叫o既菜式.
羊肉炒飯(Lamb Biriyani; $45) - 典型印度餐館菜, 但份量仲要比一般印度餐廳o既大碟得多, 羊肉足足有六大舊, 唔騷仲幾入味, 黃飯炒得o岩o岩好, 唔會乾哂水, 感覺好似食緊真正家庭式o既Biriyani(焗同煮, 而唔係餐廳o既炒). 係意外o既驚喜! 我地兩個人差o的食唔哂.
乳酪冰(Lassi; $15-18) - 同樣係大杯過其他印度餐廳, 我o既淨乳酪冰好滑, 甜度適中, 朋友話佢o既芒果乳酪冰好好飲. 以呢個價錢o黎講可以話係超值.
埋單差唔多150蚊免加一, 我地當然會再返o黎幫襯啦. 真係舖不可以貌相. ^_^
P.S. To OpenRice Editor: please add the telephone number of '九龍咖喱屋': 2384-3570
Thank you!
張貼