穴 (世貿中心) (已結業)

盡歡，豪情，3人叫兩瓶300ml sake，睇menu不理會價錢，心理上幾爽。燒黑豚五花腩，hk$48一串，貴，在日本食平的，不過真是好食，好香，油脂甘香，味覺，嗅覺，視覺都好滿足，不過太少，唔知是不是年紀大咗，喜歡食肥猪肉。雞肉大葱串，hk$38一串，以我喜歡食臭臭，當然好味，雞肉嫩，葱燒香煙肉番茄卷，無特別，勝在至平$28脆炸池魚仔，hk$58,唔亁但香口，外脆内嫩，咁细條有卵鹽燒油甘魚鲛，hk$128,三件，唔大件，食落唔係急凍，新鮮嫩滑又夠香口，肉質白雪雪。牛油果軟殼蟹卷，$78，最低食，牛油果又香又滑，軟殼蟹又香脆，夾埋壽司飯沙律醬，明太子，多種口感，每次去日本餐廳必吃章紅魚薄切黑松露帶子，唔比較算oK，比較8款刺身拼盤，刺身拼盤鮮味多些，魚生厚生，鮮魷包海膽。最後肚還未滿足，黑豚火煱hk$148,最唔值，豬肉片及菜又唔多，粉又無乜，叫碗豚肉烏東低些。話唔理價錢，都要看看是否值，日本燒物真是貴，叫三串都成150,自己買去燒烤好過。話俾阿媽聽，鬧死。sake,不係好勁，易入口，我鐘意飲，好似李白咁豪情就好，我最衰飲完口乾，身體又乾，面又紅到似關公，小女人即是小女人。