黑木 (已結業)

係金巴利街咪以為剩係得韓國嘢食，其實原來都有其他美食可以選擇品嚐一下，講緊係呢間日式居酒屋，真係有時行過都冇乜留意到佢，都係睇開飯app先知道有話明居酒屋當然有一系列嘅酒可以俾大家慢慢品嚐之餘，又可以食到一餐日本菜真係一舉兩得，來到居酒屋有一様一定要食就梗係串燒啦，一邊飲一邊食咁先夠氣氛，當然唔至食串燒咁簡單仲有其他推介美食提供點左幾款美食就開始是日晚餐，先來有黑木一夜干係用左馬友魚，燒得啱啱好食落皮脆肉嫩，啖啖魚肉鮮甜香味夠晒惹味，最啱配杯酒飲住食簡直爽到另一款係燒龍躉串，肉質豐厚飽滿陣陣魚油嘅香甜，食落爽嫩彈牙滿口肉汁口感十足再來有雞肉棒，食到外層香脆之餘，裹面濃郁香嫩雞肉，點埋蛋醬一齊食會更加滑溜味道濃厚接下來呢款係汁燒豬鞍架，賣相夠吸引唔知味道如何入口估唔到豬鞍咁肉嫩多汁，而且用左醬汁燒份外美味食落有驚喜，肉與肉之間仲有層脂肪更加肥美，真係越食越滋味不知不覺又品嚐完一餐居酒屋美食。