Shack Tapazaka

營業中

休息中

同朋友嚟咗呢間居酒屋食下午茶本身已經打算叫梅酒，見到有依個優惠就點咗個薑梅酒試下雖然係夏天飲，但因為有舊大冰喺中間所以好透心涼。甜度適中，薑味唔會重得太過份。送嘅酥炸魷魚圈都幾好食，魷魚彈牙，點嘅醬係辣醬再加日本沙律醬一齊點，好開胃送酒。吉列池魚原來係咁大條，好啖啖肉。朋友係食肉獸，叫咗個肉海縱橫，有燒豬腩肉、免治雞肉棒、牛柳粒同豬柳粒，其中我地覺得免治雞肉棒最好食，因為夠哂腍同軟滑。肉嘅調味都ok. 次次食串燒都一定會點牛舌，今次依款係薄牛舌，燒之前可能已經整熟過，所以相對較腍，牛肉味都濃嘅。菇味好香濃烤茄子塗咗烤汁喺上面，唔會太乾。