柏 (已結業)

中午心血來潮想食日本野，尖沙咀都算係一個多日本餐廳的地方，就揀了一家居酒屋。居酒屋用餐，環境都算重要一環，呢度環境舒服，用餐的感覺唔錯。日本大船渡岩蠔時令岩蠔嫩滑鮮甜的味道，蠔味濃厚，極度爽口。魴鮄魚薄切魚身白裡帶紅，入口清爽鮮甜，蘸辣蘿蔔茸，蔥花及酸汁份外開胃。大根鮑魚 $108鮑魚爽口彈牙，醬汁是精華所在，仲有蘿蔔吸汁，配合精緻擺碟令人心動。利久汁燒安格燒肉眼 $208利久雖然出名牛舌，但肉眼都唔失禮。口感香嫩而且汁燒惹味好吃，私心想要一碗飯。套餐包埋的茶碗蒸都好足料，蝦肉，瑤柱同其他各種配料，口感豐富。串燒六點定食 $138手羽先、牛舌、翠玉瓜、雞腿肉、意大利紅椒、免治雞肉最喜歡牛舌，爽口多汁，手羽先外脆內軟，雞腿肉彈牙。柏•特盛丼 $380岩晒眼闊肚窄，又一次過想食多款刺身的我。共十五種食材，數都數唔晒，赤身漬、汁煮八爪魚、海膽、大拖羅、汁煮鮑魚、燒平貝、三文魚籽、牡丹蝦、真鯛、鯖魚、魴鮄魚、鮫鰈等，唔同種類，加埋套餐麵豉湯，蒸蛋同沙律，飽到上心口。