鳴門魚市場居酒屋 (已結業)

家人之前去餐廳食，有幾張惠顧滿$200減$100嘅Coupon。屋企人話唔好嘥，同佢哋一齊去食。叫咗支清酒(自言自語)，因為清酒配魚生係好正點咗條赤小鯛，肉質爽甜，另有䓤酸汁沾食好開胃，但我始終比較沾芥末及醬油。串燒黑豚肉 及 雞軟骨，燒得香口，豚肉彈口油香而不膩。三文魚親子卷飯較為偏硬少少，三文魚微微火炙浸出魚油。吉列蠔外脆內軟，蠔味濃又鮮味。食完一碟後又再加追炸芝士幾香口，沾少少沙律醬，甜甜酸酸。赤小鯛食完刺身，再加錢將魚頭魚骨酥炸，整條魚骨 幾乎全都可食落肚燒青魚味道唔錯因為差少少可用多張Coupon，所以叫咗個菠蘿雪芭。食咗咁多炸物正好清一清、凍一凍店員個個都好友親所以成餐都食得好開心。