百樂門宴會廳

營業中

休息中

今次屋企人生日喺百樂門擺咗兩圍🥳環境清潔正常，同以往一樣都係好多人食。始終香港仔嘅酒樓唔多我們擺兩圍，所以可以入隔房食飯。由於係中央冷氣，所以隔咗間房咁啱個位置係冇風口位，冷氣不足。雖然佢有獨立小型冷氣機，但都依然比較焗。食物質素還可以，上菜時間都算平均。服務員態度都好親切有笑容有禮貌。成晚最喜歡食佢條魚，蒸得啱啱好，鮮甜嫩滑。大家都特別讚條魚，始終海鮮嘅火候一定要啱啱好先好味。不過，價錢好似比以前偏貴。今次食個plan係$6500 ，但冇鮑魚生菜及紅燒乳鴿之類。其中一碟菜，係太極莧菜，有點奇怪。仲有個非常特別的酥炸芋頭帶子， 很有新意，但由於太特別不是每個人都喜歡，寧願佢安排一碟正常帶子小菜仲好。整體來說，如果街坊生意其實沒太多選擇在香港仔，環境、食物、服務質素正常。