炭魚 (已結業)

港島區居住的我同朋友又想食雞煲，但係又唔想去銅鑼灣迫人又排隊。朋友說她家樓下開左一開雞煲店，最後我們決定去試一下。店內人數不太多，以家庭為主。我們2人點了半隻雞煲BBQ辣，還加了肥牛及墨汁丸。以長方形去盛載雞煲第一次見，而加了的肥牛及墨汁丸已經撈入同平時格外不同。雞煲微辣，但愈食愈辣。而且配料都比較多，紅椒及青椒超級惹味。墨汁丸剪開了快熟而且口感特別。全個雞煲內含大大隻的菇呵...菇吸入了雞煲的醬汁，超級入味。利用炭爐不需要用gas比較特別，以及沒有用電掣亦可慳電。我們還點了泰式椰子水，以為自己沖製點知是罐裝。但此罐裝未見過都幾特別，不太甜而且有粒粒椰子味不錯。新張期內，凡分享相到facebook到炭魚page仲可以減$5。不同優惠都是吸引街坊光顧，值得鼓勵一下。