Miss Saigon Vietnamese Cuisine (已結業)

同朋友打完波，好肚餓，朋友話西環呢間越南餐廳唔錯，就入去醫下肚！我地點咗set lunch，有十幾款，幾多選擇，我叫咗西貢小姐火車頭湯河粉！可以揀河粉、檬粉或者金邊粉，我揀咗河粉！另外跟餐仲有一款小食，我要越式春卷，脆卜卜，如果有多d就好！火車頭真係好豐富，有生牛肉、牛腩片、牛丸、牛柏葉同牛筋！牛腩片半肥瘦，好正！其他配料都唔錯！湯底唔會重味精好咸！跟餐仲有杯野飲！下次可以試下其他lunch set！