A8's Cafe (已結業)

星期日既中午岩岩訓醒，於是約埋個朋友落街食個靚靚午餐😁於是我地去左附近岩岩新開既A8餐廳。一入到餐廳就俾佢既英倫裝修風格吸引住，俾人一種好悠閒既感覺，令人好放鬆。野食方面亦都有好多選擇，佢地既all day種類都唔少有三款俾人簡。買相用料都好吸引，下次一定再試試😋😋因為午餐時間我地叫左兩份main course：鐵板鰻魚蛋包飯，上台時已經唔覺意嘩左一聲，份量大料又足，因為鐵板夠熱既關係，仲聽到鰻魚同蛋包飯煎緊既吱吱聲，香味隨住縷縷既煙散發出黎，已經令到我食指大種急不及待要試一試。蛋包飯蛋味夠香，蛋邊經鐵板加熱後變得香脆，飯加入黑椒及粟米調味，惹味得黎又清甜，鰻魚油脂豐富，入口即溶配搭淋喺面既鰻魚汁，令到成個飯既層次更加豐富，好味👍🏻😋😋另外仲叫左個蜜糖芥末焗德國咸豬手，豬手份量絕對唔惹少，外皮煎焗得夠酥脆，裡面既肉又同時保持到鬆化，充滿肉汁。應該係炆左一段長時間先再拎去煎焗，配上精心調製既蜜糖芥末醬，豬手既咸香加上芥末醬既酸甜，簡直為味蕾帶黎一重又一重既衝擊，仲要大啖大啖肉咁食，十分過癮😋😋配菜既薯角都非常搶鏡，新鮮炸起加上用調味粉Shake 過，食落有d似熱浪既味道😍😍甜品既窩夫即叫