暌記潮州飯店 (已結業)

今晚又去新蒲崗探姨姨, 晚飯就由姨姨帶我地去暌記潮州飯店食我地六個人, 都叫幾多野食架, 有鹵水鵝腸拼墨魚, 川椒雞, 沙爹牛河, 潮州粉麵線, 煮苦瓜, 仲有個最好食的反沙芋印象最深有炒麵線, 煮苦瓜同個反沙芋, 炒麵線用的唔係米粉, 唔係河粉, 又唔係檬粉, 問阿姨, 佢話呢D叫粿條, 係潮州特有的, 口感好特別, 有彈性, 好煙靭, 好好食呢! 加埋韮菜O黎炒, 好味道!苦瓜則比較重味, 苦瓜煮到都幾爛了, 加入豆醬來煮, 好味啊!反沙芋即係用芋頭切到一件件, 然後再加入白沙糖用高溫油炸, 炸到好香口, 奇怪係砂糖浸過油之後應該會熔, 點解可以變成焦糖咁樣? 仲可以咁好食?餐飯食得好開心, 因為食物好之外, 仲同姨姨一齊兩家人食一餐屋企人飯!