屋子生活 (已結業)

馬鞍山係美食沙漠全世界都知，但沙漠都有一點點綠洲。就係最尾嘅烏溪沙站，商場內有間好舒服悠閒嘅餐廳，落地大玻璃果邊仲有榻榻米。食物都唔錯，午餐可以悠悠閒閒。和風漢堡丼 ＄72  一個套餐賣相就好靚，太陽蛋黃係脹卜卜。漢堡幾鬆化，調味唔錯。最好係白飯配上香鬆味道更上一層。鰻魚綜合茶泡丼 ＄72賣相就幾靚，但鰻魚得少少兩片實在唔夠喉。茶湯味道幾清香，再加上少少芥末，感覺完全唔同晒。加＄25就可以轉套餐，有味噌湯、沙律、飲品。飲品要左抹綠奶茶，奶茶中帶點綠茶味，不錯。小倉抹茶窩夫配抹茶雪糕 ＄50靚靚甜品，味道都算唔錯。雪糕綠茶味道夠，窩夫蛋香味夠又鬆軟。淋抹茶醬團圓丸子配抹茶雪糕 ＄50自行加上抹茶醬幾特別。小丸子係煙煙韌韌。不過前後兩個甜品實在太似，就無乜驚喜。環境舒服，好適合小朋友，食物賣相靚，味道都唔錯，值得一試。