南味小調 原創風味篇 (已結業)

黃大仙村裡有間食店，佢d食物一流水準。食完lam lam 舌回家，回味無窮。 老闆提醒所有食物一定要飲湯先，因為湯是精髓所在。米酒雞花膠鍋～～老闆一把湯放在枱上，已經聞到陣陣酒香，鍋裡有滑滑雞肉，木耳，薑片，先煲熱個湯，再把洗過及發過的花膠放入湯中滾熟，就可以食啦。湯濃有雞鮮味，木耳爽口，仲要份量多，花膠都好大隻，有成10隻一鍋，滾完食，又保身又保骨膠原。幾個一下就飲完個湯，因為個湯實在太“正” ，原本想用來打邊爐，但現在飲完，就只好叫多幾個小菜食。 古法枝竹羊肉煲～～未到冬季已經開始食羊腩煲暖身及保身，咁唔知會唔會熱氣過剩，流鼻血？羊肉香噴噴，配有花菇，馬蹄，竹筍，枝竹，蔥，炆幾個鐘，羊皮彈牙，羊肉鮮嫩，唔韌，仲有羊鮮甜味。叫了白飯配羊腩煲汁食，可以食幾碗飯 。再用羊汁滾下生菜食“正”。 二重天焗魚腩～～我覺得魚腩爽脆彈牙，啖啖肉，配上爆過蔥粒同薑粒，非常美味。台灣牛肉麵～～佢地牛肉麵非試不可，個樣好普通的牛肉麵，但一飲個湯，一試難忘 ，鮮甜味美，原來廚用海鮮去煮這個湯，怪不得咁好味，牛肉鮮嫩，麵爽滑。我下次想食佢地香辣麻雞煲，同清澈水煮牛。