金百滬

營業中

休息中

長發商場裝修之後，聽講多左好多野食，於是今日就上到最高層睇下，見有間叫「金百滬」既上海店，裝潢幾靚幾乾淨，就試下啦！正值午膳時間，就試下佢Ｄ午市套餐，唔好睇間野好似幾豪華，Ｄ套餐都唔係太貴，每個$40至$50左右咋！我地叫左個糖醋魚塊，黎到時一齊「嘩」左聲，唔係話好大碟，但一定唔只一人份量，仲要整得好靚，又好好味，可以媲美晚市餸菜！然後黎個上海炒年糕，好大碟同埋好入味！我地又試下佢個雪菜肉絲麵，好大碗，水準之作！除左正宗上海野，我見有豉汁蒸排骨，就試下佢Ｄ手勢，都幾入味同埋Ｄ肉好淋好好食！食左幾個套餐有Ｄ意猶未盡，加$10有多樣小食，於是試埋個麻醬茄子，又幾好食喎！