影片
更多
2011-02-03
1109 瀏覽
昨晚家姐老友請我們全家一起食團年飯，訂了一直是飯堂的金碧酒家。平常吃的都是小菜，但今趟Boss話要食好野，自選十道菜式問金碧冰姐有無問題？冰姐二話不說便答：「OK!」。菜單如下：1, 炸蟹拑2, 發財好事3,,鮑翅4,錦鹵雲吞5,菜胆鴨腳鮑片6,茄汁蝦碌7,蒜香雞8,蒸海斑9,肉絲炒麵10,紅豆沙湯圓這間位于屋邨的老字號，小菜一直都有水準，後來菜單報價，鮑翅要4000至4500元，蟹拑則要40元一隻。嘩！咁嗱利！究竟博唔博得過呢？冰姐話如果嫌貴改雞絲翅可平一半。立即回電boss，boss話靚就得嘞，「照去馬」！開飯啦！ 炸蟹拑上桌了！賣相OK！食落唔止OK，係好得！！！早兩星期在港島香格里拉都食過，金碧的好食好多！又彈又有鮮蝦跟鮮蟹的味道！正！第二道發財好事，蠔豉夠大、香、腍。有冬菇、發菜、蠔豉、生菜和蒜頭，如果多D生菜仲正！第三道重頭戲是鮑翅，果然非常足料！大大梳的翅，貨真價實！接著上要預訂才有的錦鹵雲吞，酸甜汁味道啱啱好，雲吞皮有蛋香，咬落又鬆脆！yummy!再來是菜胆鴨腳鮑片。非常入味的鴨腳腍得嚟，骨又唔會腍，鮑片亦有咬口。Boss盛讚！第六道是茄汁蝦碌。蝦夠大，膏又多，皮又脆，
平常吃的都是小菜，但今趟Boss話要食好野，自選十道菜式問金碧冰姐有無問題？冰姐二話不說便答：「OK!」。
菜單如下：
1, 炸蟹拑
2, 發財好事
3,,鮑翅
4,錦鹵雲吞
5,菜胆鴨腳鮑片
6,茄汁蝦碌
7,蒜香雞
8,蒸海斑
9,肉絲炒麵
10,紅豆沙湯圓
這間位于屋邨的老字號，小菜一直都有水準，後來菜單報價，鮑翅要4000至4500元，蟹拑則要40元一隻。嘩！咁嗱利！究竟博唔博得過呢？冰姐話如果嫌貴改雞絲翅可平一半。立即回電boss，boss話靚就得嘞，「照去馬」！
開飯啦！
炸蟹拑上桌了！賣相OK！食落唔止OK，係好得！！！
早兩星期在港島香格里拉都食過，金碧的好食好多！又彈又有鮮蝦跟鮮蟹的味道！正！第二道發財好事，蠔豉夠大、香、腍。有冬菇、發菜、蠔豉、生菜和蒜頭，如果多D生菜仲正！
第三道重頭戲是鮑翅，果然非常足料！大大梳的翅，貨真價實！
接著上要預訂才有的錦鹵雲吞，酸甜汁味道啱啱好，雲吞皮有蛋香，咬落又鬆脆！yummy!
再來是菜胆鴨腳鮑片。非常入味的鴨腳腍得嚟，骨又唔會腍，鮑片亦有咬口。Boss盛讚！第六道是茄汁蝦碌。蝦夠大，膏又多，皮又脆，汁又剛剛好，我老豆勁like!
團年當然唔少得隻雞啦！蒜香雞是首選，要預定嫁！皮脆、雞滑，可惜今晚鋪面的炸蒜唔夠乾身，少少失手！好彩隻雞無失準！大海斑嚟啦！真係唔講得笑！有相做比例！條魚咁大好難蒸，但師傅確實蒸得啱啱好！just ! 完全無糟蹋條靚魚！
食到呢刻，已經好飽，就算見到平時打孖上的肉絲炒麵都慢晒軚！兼且今次碟兩面黃未及平日脆口，所以剩下半碟。不得不提，金碧用的麵零舍有蛋香，唔信去試吓！最後上的紅豆沙湯圓亦比想象中好！(因平時假日才送的糖水都很甜，所以request 咗少甜)
完滿結束！
整頓晚飯$8000埋單，絕對不平，環境也別期望漂亮，但的的確確有水準，味道好，把早前的疑慮一掃而空！吃了一頓滿足的飯！
金碧！你好野！
張貼
