影片
更多
2012-05-11
419 瀏覽
第二次黎食飯，兩次都係公司既 annual dinner。出品、環境同服務都滿意，中上級酒家。八點幾差不多八點半喇，仲未開飯，枱面依然空空如也，想餓死人咩 ﹗好采今日醒目 lunch 去食碗麵啫，最初仲諗住留肚食餐勁添 ﹗今晚食飯唔想飲酒，次次飲到飽晒好鬼蝕，食唔到野囉 ﹗嘆吓鐵觀音，打吓機、睇吓電視，爽爆 ﹗公司包左間房食飯，christmas 連埋 annaul 一齊食，慳返唔少 ﹗有年直頭留係公自食垃圾到會自助餐添啦，依家仲可以出黎食咪算偷笑囉 ﹗但抽奬都已經 cut 左幾年喇，唉。依家七點幾，唔計我就只有十二位同事到場竹戰，其他人有排都未到。 麻雀戰況激烈 ﹗鬼哭神嚎 ﹗慘無人道 ﹗特約戰地記者曉奧報導。嘩嘩嘩 ﹗頭盤黎喇，花生一大兜加瑤柱 XO 醬，我一向最憎食花生，但勁肚餓，唔理咁多，咩都放啲落口先啦。本來全晚都唔想飲，我淨係想食野乍，但老闆叫到，點都要比下面飲幾杯啦 ﹗飲醒 ﹗ 叉燒，有點普通，不過不失。燻蹄，淡淡咸香不太濃，質地棉棉不鞋口，滿意。煙鴨胸，難得做到皮脆肉香，軟棉得黎有趙口，好食。 海蜇，好爽脆，好耐無食到咁靚架喇。拍青瓜，小小豉油配小小蒜蓉，好清新既味道。
八點幾差不多八點半喇，仲未開飯，枱面依然空空如也，想餓死人咩 ﹗好采今日醒目 lunch 去食碗麵啫，最初仲諗住留肚食餐勁添 ﹗今晚食飯唔想飲酒，次次飲到飽晒好鬼蝕，食唔到野囉 ﹗嘆吓鐵觀音，打吓機、睇吓電視，爽爆 ﹗公司包左間房食飯，christmas 連埋 annaul 一齊食，慳返唔少 ﹗有年直頭留係公自食垃圾到會自助餐添啦，依家仲可以出黎食咪算偷笑囉 ﹗但抽奬都已經 cut 左幾年喇，唉。
依家七點幾，唔計我就只有十二位同事到場竹戰，其他人有排都未到。 麻雀戰況激烈 ﹗鬼哭神嚎 ﹗慘無人道 ﹗特約戰地記者曉奧報導。
嘩嘩嘩 ﹗頭盤黎喇，花生一大兜加瑤柱 XO 醬，我一向最憎食花生，但勁肚餓，唔理咁多，咩都放啲落口先啦。本來全晚都唔想飲，我淨係想食野乍，但老闆叫到，點都要比下面飲幾杯啦 ﹗飲醒 ﹗
叉燒，有點普通，不過不失。燻蹄，淡淡咸香不太濃，質地棉棉不鞋口，滿意。煙鴨胸，難得做到皮脆肉香，軟棉得黎有趙口，好食。
海蜇，好爽脆，好耐無食到咁靚架喇。拍青瓜，小小豉油配小小蒜蓉，好清新既味道。香菇腐皮卷，最好味呀 ﹗外層香脆，餡料濃郁菇味。
蠔汁扣鮑魚鵝掌，鮑魚爽口彈牙又鮮味，蠔汁香甜。鵝掌質感軟腍滑溜又入味，西蘭花超爽甜，正 ﹗
響螺燉雞湯，好清甜 ﹗我最愛飲雞湯，響螺亦係其中一樣我最愛既美食 ﹗連飲三大碗，食埋啲響螺肉，回本回本。
飲晒啲湯仲有湯渣食，雞腳同響螺全部掃清光，徹底消滅 ﹗
羅漢齋扒小棠菜，有雲耳、珍珠筍、冬菇、草菇等等，味道麻麻，有種菌類既霉味添，失望。小棠菜太生，有草青味，口感太硬，溫度唔夠熱點會好食。
豉油皇煎大蝦碌，蝦碌大大舊 ﹗肉質實淨爽甜，好好食 ﹗但個汁超咸，淨食唔點汁已經好好味喇，要走汁先得。 真係好好味，食極都唔厭。
翡翠雙蚌，經常食既一味菜，即珊瑚蚌桂花桂炒西芹，又即係海參腸炒海參肺囉。雙蚌鮮爽又鮮味，係唔夠熱囉，而且味道有點偏咸喎。
古法果皮雲耳蒸龍躉，一開波梗係趙左個面珠登先啦 ﹗肉質又滑又爽，魚味超濃，正呀 ﹗個人不太喜歡將條魚斬件先蒸，因為令到肉汁大量流失，影響味道同口感，但切件蒸可以快啲熟又較易控制。依家條魚乾爭爭，無水又無汁，質地實淨，味道麻麻地，賣相就一流喇。
沙薑吊燒雞，又嫩又滑又多汁，真係唔錯，估佢唔到噃。皮香肉嫩，滿意滿意。
張貼
