厚興瑜記手撕雞 (已搬遷) 新店位置

我住呢頭，近呢兩三年前喺度買手撕雞已經好多次，雖然佢d雞好多油，但因為貪方便，我諗唔到煮咩時都會四買佢。但呢間野做生意真係好唔老實，話說我每次都係買手撕雞半隻少辣，佢次次都骨多過肉，我最近3次買時已經忍唔住投訴，話佢d骨不合理地多，但係佢唔止唔認，仲鬧返我轉頭，話佢地從來唔會偷工減料，仲話我屈佢，鬧得好大聲，務求要在場既客淨係聽到佢把聲，好啦，今次我俾佢鬧到冇聲出喇，咁事實係咪我怪錯左佢呢？我都希望係。因為我想食肉，唔係骨。返到去打開盒雞食，我同家人都冇特别去留意，雖然大家都覺得好多骨，咁但我地記就諗，可能隻雞瘦啦，咁咪骨多過肉囉，點知食食下發現佢呢半隻手撕雞竟然有兩隻翼同翼尖！我好想知半边雞點解会有兩隻翼。錯就要認，三番兩次死口唔認，仲發惡鬧客，話1客屈佢，我已經諗唔到理由再幫襯。