影片
更多
2014-02-19
4032 瀏覽
是晚相約左讀書時候一班書友仔出黎聚下舊..我地一行都7個人, 想搵返個舒舒服服地方坐下傾下計食下野,於是就黎左CPK喇!!由於大家放工既時間都比較聯合國, 我地都7點45先去拎台好彩星期一人就少D, 而我地已經有過半數人, 就可以入座LU其實呢間分店都算幾大間, 佢就安排左我地坐最督督的位置..而店入面人手都唔多, 所以其實都有D叫天不應既感覺XD拎起MENU, 每人就叫左一樣自己想食既野先係頭盤, 要左個蝦卷我地叫左3條既份量, 等每人有一個試下!其實呢個頭盤都幾得意, 同我想像既蝦卷好唔同XD佢用好似越南粉包既皮, 包住蝦啦, 一D麵, 紫蘇葉同紅蘿蔔~仲有跟一個好似日式燒汁咁既醬, 甜甜地...食落好清新, 最得意係入面有D麵係度!其實我好怕食紫蘇葉.. =___= 不過咁樣少少夾埋一齊食都OK既!之後就係烤雞沙律嘩!!個沙律真係俾佢嚇親XD而家D食店有幾何真係塞到滿一滿隻碟?呢間既沙律真係砌到好似JANGA咁拎黎!!厲害!! )0(材料有羅馬生菜, 蕃茄, 紅豆, 黃色一條條個D其實我都唔知咩黎XD, 仲有雞~個沙律本身已經落左D醬汁, 連埋D蔬菜一齊食都已經好夠味雞呢就o鞋左
我地一行都7個人, 想搵返個舒舒服服地方坐下傾下計食下野,
於是就黎左CPK喇!!
由於大家放工既時間都比較聯合國, 我地都7點45先去拎台
好彩星期一人就少D, 而我地已經有過半數人, 就可以入座LU
其實呢間分店都算幾大間, 佢就安排左我地坐最督督的位置..
而店入面人手都唔多, 所以其實都有D叫天不應既感覺XD
拎起MENU, 每人就叫左一樣自己想食既野
先係頭盤, 要左個蝦卷
我地叫左3條既份量, 等每人有一個試下!其實呢個頭盤都幾得意, 同我想像既蝦卷好唔同XD
佢用好似越南粉包既皮, 包住蝦啦, 一D麵, 紫蘇葉同紅蘿蔔~
仲有跟一個好似日式燒汁咁既醬, 甜甜地...
食落好清新, 最得意係入面有D麵係度!
其實我好怕食紫蘇葉.. =___= 不過咁樣少少夾埋一齊食都OK既!
之後就係烤雞沙律
嘩!!個沙律真係俾佢嚇親XD而家D食店有幾何真係塞到滿一滿隻碟?
呢間既沙律真係砌到好似JANGA咁拎黎!!厲害!! )0(
材料有羅馬生菜, 蕃茄, 紅豆, 黃色一條條個D其實我都唔知咩黎XD, 仲有雞~
個沙律本身已經落左D醬汁, 連埋D蔬菜一齊食都已經好夠味
雞呢就o鞋左少少, 可以改善一下喔!
呢個係我揀既PASTA~~對於有D隱性加菲貓基因既我..白汁+闊麵真係無得輸!!*v*
佢個配料有得揀蝦 / 雞 / 雞+蝦
咁呢個就係2樣都有~~由於我地等埋個朋友黎先食
唔知係咪凍左, 所以D汁就杰左D...不過味道真係唔錯, 唔會過咸, 好creamy!!
蝦好爽口, 唔係用個d細細粒雪蝦仔~~至於雞呢...都係果個問題, 好o鞋呀喂..XD
之後係PIZZA!! 因為我喉嚨痛所以冇食..但個賣相唔錯, 但真係要襯熱食, 唔係D皮會稔左
啊! 呢個芝士雲吞真係推介一下~佢可以揀白汁 OR 茄汁咁朋友仔就點左茄汁, 初時我都諗..會唔會唔夾呢?
黎到既時候, 賣相同味道都否定左我咁豬既諗法喇!XD
首先個汁有D蕃茄茸, 唔係好酸, 好適中
到食雲吞, 皮唔會好厚, 咬落係軟心芝士同埋蘑菇~~正呀!!
佢個芝士唔係好咸個種, 連埋個蕃茄汁黎食好正!! 不妨一試呀!!
最尾係煎雞拼香檸忌廉意粉上文提要, 呢度既雞雞都比較o鞋..所以本來對呢個都冇咩期望
不過~當然都試下啦!!
EEEE咦!!!此雞不同彼雞喎!! )0(
講下外貌先, 佢個樣太似煎魚柳, 令朋友仔們都以為係魚柳! 哈哈哈!! XDD
食落呢, 係雞胸/柳黎既, 即係D鍾意食雞既人士所講既「白肉」
我就最鍾意, 冇骨丫嘛XD 講真呢個真係幾好食, 絕對唔o鞋!!
味道亦調得岩岩好, 唔係好濃味加上有煎過, 幾香口~
意粉方面, 佢有淡淡既檸檬味, 忌廉汁唔算濃, 佢夾得好好, 唔會互相搶/蓋過大家既味道!
不過意粉中間有d一粒粒綠色..又唔係青豆既物體...至於係咩我地都冇考究了XD
整體黎講呢度真係幾岩三五知己黎聚餐傾下計
野食份量都算唔錯, 價錢方面我地7個人每人都係AROUND 100蚊一個
不過我地冇叫飲品個D, 唯有不停叫D waiter加水啦 XDDDDDDD
張貼
