影片
更多
2019-08-06
3631 瀏覽
蒸海鮮塔早幾年非常流行，早排見到網上介紹呢間韓式海鮮塔餐廳，望落非常吸引，今日一於黎試下。「九重鮮」位於黃埔天地聚寶坊，由黃埔站行過去只係需要幾分鐘，非常方便。餐廳佈置充滿韓國風格，店門口掛住好多韓服，客人有興趣可以試穿影相。晚餐以半自助模式營運，海鮮塔可以揀9層或10層，一場黎到梗係食豪d要10層，兩款餐都有泡菜煎餅及任食自助吧。自助吧食物款式非常多，有沙律、炒年糕及韓式魚糕湯等等，當中韓式魚糕湯煮得相當入味。韓式水冷麵唔係經常有機會試，冷麵食落煙煙韌韌，入口感覺冰涼，大熱天下食消暑一流。另外，自助吧不時都會有特式野食，例如炸雞及醬油鮑魚等等，每次出都會有店員打鑼通知客人有咩食。醬油蝦及鮑魚味道濃郁，雖然每次只能拎一隻，但會不停供應，可以食到夠為止。每次推出炸雞都有唔同口味，今次試左蜜糖芥末味及韓式辣醬味，炸雞炸得香脆，當中韓式辣醬味非常惹味，每件砌到細細件，咁就唔駛驚食得太多食唔落主菜啦。泡菜煎餅食落脆口，唔會煎得太油，泡菜味香濃，唔錯。等左咁耐，主角海鮮塔終於上場了，可能因為我地得兩個人嘅關係，十樣材料分五層上。海鮮塔頂插住溫度計，一到85度就可以叫店員開蓋，睇住個溫度極速咁升，
「九重鮮」位於黃埔天地聚寶坊，由黃埔站行過去只係需要幾分鐘，非常方便。
餐廳佈置充滿韓國風格，店門口掛住好多韓服，客人有興趣可以試穿影相。
晚餐以半自助模式營運，海鮮塔可以揀9層或10層，一場黎到梗係食豪d要10層，兩款餐都有泡菜煎餅及任食自助吧。
自助吧食物款式非常多，有沙律、炒年糕及韓式魚糕湯等等，當中韓式魚糕湯煮得相當入味。
韓式水冷麵唔係經常有機會試，冷麵食落煙煙韌韌，入口感覺冰涼，大熱天下食消暑一流。另外，自助吧不時都會有特式野食，例如炸雞及醬油鮑魚等等，每次出都會有店員打鑼通知客人有咩食。
醬油蝦及鮑魚味道濃郁，雖然每次只能拎一隻，但會不停供應，可以食到夠為止。
每次推出炸雞都有唔同口味，今次試左蜜糖芥末味及韓式辣醬味，炸雞炸得香脆，當中韓式辣醬味非常惹味，每件砌到細細件，咁就唔駛驚食得太多食唔落主菜啦。
泡菜煎餅食落脆口，唔會煎得太油，泡菜味香濃，唔錯。
等左咁耐，主角海鮮塔終於上場了，可能因為我地得兩個人嘅關係，十樣材料分五層上。
海鮮塔頂插住溫度計，一到85度就可以叫店員開蓋，睇住個溫度極速咁升，真係非常期待。
終於開蓋喇！第一層係象拔蚌及黑椒鹽肥牛，象拔蚌味道鮮甜，切成條狀食落非常方便；蒸肥牛之後試過後非常喜歡，用黑椒鹽輕微調味後更為惹味。
第二層係元貝及海蝦，元貝都幾大隻，入口鮮甜多汁；海蝦亦新鮮彈牙。
第三層係龍蝦，雖然唔係好大隻，但肉質鮮嫩有彈性，味道甜美。
第四層係龍躉及花蛤，龍躉肉質夠滑，大大件唔多骨；花蛤份量都幾多，入口鮮甜無沙。
最底層係鮑魚及蔬菜，鮑魚唔會太韌，鮮味十足；蔬菜有粟米、蕃薯、冬菇及椰菜花，吸收左上幾層海鮮嘅精華後，味道相當甜美。
客人加$12可任食罐裝飲品及啤酒，另外亦有自家製竹蔗茅根水及薏米水，都算超值。
自助吧亦有甜品供應，當中炸香蕉布丁外脆內軟，味道唔會太甜。埋單每人四百幾蚊，雖然唔算平，但有咁多海鮮食，都算唔錯。
張貼
