影片
更多
2021-01-15
296 瀏覽
香港人飲茶🍵就飲得多啦，有無試過去咁有香港情懷嘅茶樓先？ 從舖頭嘅裝修已經感受到滿滿嘅舊香港情懷同氛圍，有辦館、跌打舖、涼茶舖等等，咪話你未見過啊！ 可惜當日假日人多，未能將老馮茶居嘅環境影俾大家睇，想去感受下就要親自去老馮茶居！.沙嗲金錢肚 🐂 $23我地去親茶樓都必點金錢肚，因為新鮮嘅金錢肚爽口彈牙，中間嘅坑紋又吸晒沙嗲汁，好好味㗎！ 依度嘅金錢肚同樣爽口，唔會有怪味，沙嗲汁都唔錯，幾入味。底下嘅豆卜睇落幾特別喎，食落先知唔係普通豆卜，而係煙煙韌韌嘅生根，又增添咗另一種唔同嘅口感。.香煎蘿蔔糕 $18驟眼睇覺得個蘿蔔糕好似白晒晒，無乜特別咁，食落先知原來入面都幾足料，有絲絲分明嘅蘿蔔絲，但就略嫌煎得唔夠香脆啦！.窩蛋牛肉飯 🍳 $35老馮依度有懷舊砵仔蒸飯喎，當然要試下啦，隻蛋🥚仲要自己打㗎！ 打咗落去以為隻蛋一定唔熟啦，撈勻之後又唔會，蛋漿均勻咁包著每一粒飯粒，飯粒仲要粒粒分明。一定唔可以唔提個牛肉餅，蛋白同牛肉餅撈勻之後食落更加嫩滑，牛肉味濃，芫荽亦帶出牛肉嘅香味，依個窩蛋牛肉飯絕對係👩🏻食過既牛肉飯頭三位！.鵪鶉蛋燒賣皇 $28鵪鶉蛋燒賣並唔係間間茶樓都有，依家已經買少見少。
.
沙嗲金錢肚 🐂 $23
我地去親茶樓都必點金錢肚，因為新鮮嘅金錢肚爽口彈牙，中間嘅坑紋又吸晒沙嗲汁，好好味㗎！ 依度嘅金錢肚同樣爽口，唔會有怪味，沙嗲汁都唔錯，幾入味。底下嘅豆卜睇落幾特別喎，食落先知唔係普通豆卜，而係煙煙韌韌嘅生根，又增添咗另一種唔同嘅口感。
.
香煎蘿蔔糕 $18
驟眼睇覺得個蘿蔔糕好似白晒晒，無乜特別咁，食落先知原來入面都幾足料，有絲絲分明嘅蘿蔔絲，但就略嫌煎得唔夠香脆啦！
.
窩蛋牛肉飯 🍳 $35
老馮依度有懷舊砵仔蒸飯喎，當然要試下啦，隻蛋🥚仲要自己打㗎！ 打咗落去以為隻蛋一定唔熟啦，撈勻之後又唔會，蛋漿均勻咁包著每一粒飯粒，飯粒仲要粒粒分明。一定唔可以唔提個牛肉餅，蛋白同牛肉餅撈勻之後食落更加嫩滑，牛肉味濃，芫荽亦帶出牛肉嘅香味，依個窩蛋牛肉飯絕對係👩🏻食過既牛肉飯頭三位！
.
鵪鶉蛋燒賣皇 $28
鵪鶉蛋燒賣並唔係間間茶樓都有，依家已經買少見少。一睇就知燒賣皮薄餡靚，仲隱約見到鵪鶉蛋🥚嘅蛋黃添。豬肉嘅肥瘦度岩岩好，鵪鶉蛋令整體嘅口感變得更加豐富。
.
八珍糯米雞 $28
話晒叫八珍糯米雞，無咁大隻點放得晒咁多材料呢？我地數到嘅八珍有：雞肉粒、蛋黃、豬肚，雞翼、臘腸，仲有其他就靠你哋話我哋知啦！ 糯米飯蒸得非常軟糯，材料夠晒入味，蛋黃更加添加咗一份鹹香，依個份量應該同窩蛋牛肉飯差唔多大份添！
.
頂級灌湯餃 🥟 $36
其實傳統嘅灌湯餃，係包著清湯同餡料，食嘅時候先篤穿餃皮。不過由於皮包湯嘅灌湯餃功夫繁複，多數茶樓依家都係用湯碗盛著灌湯餃，即係我地平時所見嘅湯浸餃，依度亦都一樣。餡料有鮮蝦、北菇、豬肉餡同竹笙，不過上菜時見到外表扁平，並非脹卜卜，味道亦無乜特別。
.
古法牛肉球 $22
牛肉球就唔多講啦，因為同窩蛋牛肉飯一樣咁軟滑好味，亦同平時見到嘅牛肉球一樣有馬蹄，都係好味嘅！
.
另收茶芥人頭費5蚊一個
.
老馮茶居嘅點心同蒸飯真係無令我地失望，依份古典嘅香港情懷亦都係我哋喺其他大酒樓感受唔到，真係好值得大家嚟試下。不過提提大家，依度無得加單，所以落單時好叫齊你想食嘅野啦！
5 瀏覽
0 讚好
0 留言
張貼
