影片
更多
2024-09-07
3587 瀏覽
知道齊柏林喺旺角新開咗呢間屬於香港人嘅牛肉飯店，好想去試吓～ 樓高2層，外牆好大個名！地下有自助點餐機，亦都可以上一樓搵職員落單，自助搵位，2樓亦都有堂食位置～ 餐廳開到凌晨2點，想食宵夜都好方便！睇menu選擇都算多，有牛肉、和牛漢堡扒、豚肉、雞肉、鰻魚飯等～ S size嘅牛丼只係$26，值得一試！而家仲有$100/4碗鹽醬汁豚肉飯或者照燒雞扒飯嘅套票優，好抵食！🔸牛魔王飯M $42試吓呢個和牛漢堡扒飯，比想像中更好食呀！漢堡扒唔會乾淨淨，仲係軟熟有肉汁～ 將牛魔王汁淋喺白飯上面，撈勻之後食，食一啖飯，再食一啖肉，都幾惹味！個汁加咗柚子醋，酸酸哋好開胃，食落都無咁膩～ 🔸咖喱雞扒飯M $48雞扒有啲驚喜！雞皮幾香脆，唔會淋晒，雞肉都算嫩，加埋微辣嘅日式咖喱，好快就食晒成碗飯！呢度嘅珍珠米都好軟熟好味！🔸套餐優惠加$10-$20可以配唔同小食同飲品，揀咗青菜同炸雞～ 炸雞有3件，都幾香脆嫩滑，如果有醬點吓會更好！飲品推薦揀佢哋自家製嘅冰紅茶，解渴又唔甜！
知道齊柏林喺旺角新開咗呢間屬於香港人嘅牛肉飯店，好想去試吓～ 樓高2層，外牆好大個名！地下有自助點餐機，亦都可以上一樓搵職員落單，自助搵位，2樓亦都有堂食位置～ 餐廳開到凌晨2點，想食宵夜都好方便！
睇menu選擇都算多，有牛肉、和牛漢堡扒、豚肉、雞肉、鰻魚飯等～ S size嘅牛丼只係$26，值得一試！而家仲有$100/4碗鹽醬汁豚肉飯或者照燒雞扒飯嘅套票優，好抵食！
🔸牛魔王飯M $42試吓呢個和牛漢堡扒飯，比想像中更好食呀！漢堡扒唔會乾淨淨，仲係軟熟有肉汁～ 將牛魔王汁淋喺白飯上面，撈勻之後食，食一啖飯，再食一啖肉，都幾惹味！個汁加咗柚子醋，酸酸哋好開胃，食落都無咁膩～
🔸咖喱雞扒飯M $48雞扒有啲驚喜！雞皮幾香脆，唔會淋晒，雞肉都算嫩，加埋微辣嘅日式咖喱，好快就食晒成碗飯！呢度嘅珍珠米都好軟熟好味！
🔸套餐優惠加$10-$20可以配唔同小食同飲品，揀咗青菜同炸雞～ 炸雞有3件，都幾香脆嫩滑，如果有醬點吓會更好！飲品推薦揀佢哋自家製嘅冰紅茶，解渴又唔甜！
張貼
