Burger Home (已結業)

想去食burger ，大家可能會想起一啲連鎖嘅快餐店，而位於灣仔嘅依間burger專門店，未必個個人都識，但係灣仔做嘢或者居住嘅人就冇可能唔識。佢可以話係屬於香港人嘅集體回憶，屬於香港人獨有嘅burger口味。點解我咁講，等我即刻而家介紹吓啦！我今日叫咗一個煙肉芝士牛肉漢堡，醬料呢就點咗蛋黃醬同埋BBQ醬。佢嘅手打牛肉超級Juicy,超足料，麵包呢有微微烤焗，超有風味。中間呢就夾住一啲生菜啦同埋蕃茄，雖然仲有一片芝士，但係因為有生菜同埋蕃茄，食完都唔會覺得好油膩。再加埋呢個蛋黃同埋BBQ醬，配搭超完美，有一種茶餐廳加上西餐Cross Over嘅感覺，絕對唔能夠錯過啊！最後仲有每一張枱都會提供一樽消毒洗手液，非常之注意衛生，大家可以放心進食啊，繼續支持小店，繼續支持香港嘅食肆！