影片
更多
2021-01-26
251 瀏覽
屯市開新黃店咁大件事冇乜人講？冇人講咪我講囉！我唔委屈㗎！.上兩個月見到榮少喇沙未營業就已經出左張靚到爆魔法卡，仲要我最鐘意既藍鯨，嗰陣我就已經mark實左一定要試呢間新黃店，一舉兩得啊嘛！而今日就特登約咗朋友出黎食。首先講吓佢位置先，佢個位置都幾隔涉架，要落到最底之後出商場再轉個彎先揾到，未行到埋去未見到招牌就見到一堆人等緊，我就知我冇揾錯。去到攞籌就要等幾個號碼，但唔緊要，呢啲小問題無阻我食黃店既決心，好好彩又唔算等好耐。.今次嗌左個脆炸雞扒喇沙米線，再同朋友夾咗個小食拼盤。首先，一定要讚就係個喇沙湯，好香好入味，又唔會好辣；而嗰幾舊豆卜都好腍好吸湯，呢個位真係好出色。而佢既脆炸雞扒都冇呃人，真係好脆，但個人就略嫌雞肉乾身，冇肉汁；米線都偏硬，好似未煮腍咁，同埋唔係好入味，食落既感覺係用水烚過下就出餐咁，今次出餐既時間好快，但我唔介意等耐少少換取一個腍啲入味啲既米線。希望下次去可以改善下，咁就完美。而朋友嗌左豬軟骨，佢話好腍好入味，望落都真係好吸引！然後因為唔想飲汽水，所以就嗌咗檸檬薏米水，薏米好腍，檸檬有味，又唔會太甜，仲要冇冰啊，係常温出既野飲，真係好吸引！而我最欣賞嗰個位係喺
.
上兩個月見到榮少喇沙未營業就已經出左張靚到爆魔法卡，仲要我最鐘意既藍鯨，嗰陣我就已經mark實左一定要試呢間新黃店，一舉兩得啊嘛！而今日就特登約咗朋友出黎食。首先講吓佢位置先，佢個位置都幾隔涉架，要落到最底之後出商場再轉個彎先揾到，未行到埋去未見到招牌就見到一堆人等緊，我就知我冇揾錯。去到攞籌就要等幾個號碼，但唔緊要，呢啲小問題無阻我食黃店既決心，好好彩又唔算等好耐。
.
今次嗌左個脆炸雞扒喇沙米線，再同朋友夾咗個小食拼盤。首先，一定要讚就係個喇沙湯，好香好入味，又唔會好辣；而嗰幾舊豆卜都好腍好吸湯，呢個位真係好出色。而佢既脆炸雞扒都冇呃人，真係好脆，但個人就略嫌雞肉乾身，冇肉汁；米線都偏硬，好似未煮腍咁，同埋唔係好入味，食落既感覺係用水烚過下就出餐咁，今次出餐既時間好快，但我唔介意等耐少少換取一個腍啲入味啲既米線。希望下次去可以改善下，咁就完美。
脆炸雞扒喇沙湯米線
$50
34 瀏覽
1 讚好
0 留言
而朋友嗌左豬軟骨，佢話好腍好入味，望落都真係好吸引！
然後因為唔想飲汽水，所以就嗌咗檸檬薏米水，薏米好腍，檸檬有味，又唔會太甜，仲要冇冰啊，係常温出既野飲，真係好吸引！而我最欣賞嗰個位係喺呢個嚴峻嘅疫情底下，佢地係會為左衛生而用膠杯上，呢個位好加分！
而同朋友夾既小食拼盤都好好味，我最欣賞係個雞翼，脆得黎鎖住肉汁，食落好滑好juicy，而蝦卷同蝦丸都係好食既，炸得脆又唔會好乾。
我地3個人total嗌左3碗喇沙，3杯薏米水，再加個小食拼盤，總共$209。唔好睇佢個份量好似好少咁，我地最後係要攞個外賣盒打包走架！
.
而我見前面其他食評寫話冷氣唔夠凍呢個問題應該改善左啦，我係大概1點去到，坐bar枱，一啲都唔覺得熱。另外都要讚下待應既服務態度好好，好有禮貌，感覺到佢地好樂意幫我，出餐既速度都好快。
.
呢個價錢呢個質素其實好值得一試，我之後再有機會經過都會再黎架，期待下次有更優質既料理。
張貼
