興記

營業中

休息中

朋友一行七人，去左屯門度周未，屯門之友按排我哋去三聖買海鮮。天真的我們，以為屯門海鮮會價廉物美。誰知，一問價，下，仲貴過大埔筲箕灣香港仔？唔係啩。於是，臨時取消海鮮大餐，只揀左扇貝及紅肉花蛤($280)，交由興記加工烹調($166)，兩碟菜已花了$446。椒鹽鮮魷賣相吸引，惜炸粉極厚極多，啖啖都係粉漿，魷魚偏少；咬下時粉漿與鮮魷完全分崩離折，實為一失敗之作﹗油鹽水紅肉花蛤味清淡而鮮甜，大花蛤有紅邊，樣子有d 似北寄貝，比一般細花甲或蜆夠有肉地及鮮味，底有粉絲索味，不錯﹗馳名燒鵝名不副實，半隻售二百元，係屯門而言絕不便宜﹗送上枱時，小妹第一個反應是：色澤唔夠金黃香脆喎﹗燒鵝賣相偏黑，一試，皮燒得不算脆，肉汁頗多，但皮下滿佈肥膏；肉質也是偏靭而欠嫩滑，鵝味也不算濃重；肉與骨也較難分離，需費牙力去撕嚼。味道不差，但說不上頂級﹗羅漢齋豆腐材料有菜心、木耳、竹筍、蘑菇、芽菜及炸豆腐卜，惜豆腐卜欠缺豆腐的清香味，以太白粉水勾芡，味道清淡。咕嚕雞球味道欠佳﹗雞球炸得不夠脆，偏淋，雞球也冇味雞味；醬汁唔夠味，不甜不酸，失敗﹗腐乳通菜味道OK，加左少少紅椒絲，有點辣；腐乳份量偏少，通菜夠嫩滑，冇咩渣滓。