影片
更多
2024-06-17
52 瀏覽
屯門中西式甜品小食店台式拼盤 $ 45分別有地瓜球3粒＋炸花枝丸3粒＋鹽酥雞 配泰式辣醬，佢仲有好多種唔同嘅拼盤，令到你可以一次過享受到唔同種類嘅小食，所有炸物都炸得啱啱好金黃香脆，地瓜球餡料夠晒豐滿，一咬落去超級香，鹽酥雞都啖啖肉夠晒Juice！香芒蜂蜜水晶 $ 43甜品一定要嗌，芒果夠晒新鮮香甜，加埋蜂蜜水晶真係一個好好嘅配搭，淡淡嘅蜂蜜香氣配上鮮甜嘅芒果兩種味道真係好配合！大小團圓（湯圓＋小丸子）（熱） $33另一個我哋叫咗熱嘅糖水，係傳統嘅湯圓，有花生味同芝麻味湯圓揀，熱烘烘嘅薑汁糖水底，配上大大粒嘅花生湯圓真係好滿足！榛子朱古力石板街窩夫 $65最後我哋都叫咗一個窩夫，佢有唔同嘅雪糕口味可以配搭，我哋就揀咗豆腐雪糕 +$2，另外一定要睇一睇一定要喺窩夫內加麻薯 +$6，因為成個層次口感真係會更上一層樓，榛子醬淋晒喺窩夫嘅表面然後一口咬落去配搭住煙煙韌韌嘅麻糬，隨着朱古力醬同雪糕滲透落去窩夫同麻糬入面，真係超級滋味！嘆甜品 (屯門)屯門青菱徑3號東威閣地下G02號舖
台式拼盤 $ 45
分別有地瓜球3粒＋炸花枝丸3粒＋鹽酥雞 配泰式辣醬，佢仲有好多種唔同嘅拼盤，令到你可以一次過享受到唔同種類嘅小食，所有炸物都炸得啱啱好金黃香脆，地瓜球餡料夠晒豐滿，一咬落去超級香，鹽酥雞都啖啖肉夠晒Juice！
香芒蜂蜜水晶 $ 43
甜品一定要嗌，芒果夠晒新鮮香甜，加埋蜂蜜水晶真係一個好好嘅配搭，淡淡嘅蜂蜜香氣配上鮮甜嘅芒果兩種味道真係好配合！
大小團圓（湯圓＋小丸子）（熱） $33
另一個我哋叫咗熱嘅糖水，係傳統嘅湯圓，有花生味同芝麻味湯圓揀，熱烘烘嘅薑汁糖水底，配上大大粒嘅花生湯圓真係好滿足！
榛子朱古力石板街窩夫 $65
最後我哋都叫咗一個窩夫，佢有唔同嘅雪糕口味可以配搭，我哋就揀咗豆腐雪糕 +$2，另外一定要睇一睇一定要喺窩夫內加麻薯 +$6，因為成個層次口感真係會更上一層樓，榛子醬淋晒喺窩夫嘅表面然後一口咬落去配搭住煙煙韌韌嘅麻糬，隨着朱古力醬同雪糕滲透落去窩夫同麻糬入面，真係超級滋味！
嘆甜品 (屯門)
屯門青菱徑3號東威閣地下G02號舖
張貼
