반찬앤쿡 Banchan and Cook (屯門市廣場1期)

營業中

休息中

👦🏻👧🏻間唔中會去屯門市廣場拍拖，收藏咗唔少美食餐廳，其中呢間Banchan and Cook係我地最鐘意嘅韓式餐廳。依架全新推出$560「嚐吃套餐」，包兩樣主食、一樣小食、一樣甜品同兩杯自選飲品。呢個套餐可以試晒呢度出名嘅蛋包飯同炸雞😍！嚐吃套餐 $560🍛肉醬牛胸肉蛋包飯上枱時店員會係我地面前切開滑蛋，內外都裏面金黃滑嫩，好香蛋香味。下面嘅炒飯加咗紅蘿蔔、洋蔥同瓜粒去炒，配埋旁邊嘅肉醬食，令口感同味道變得豐富。牛胸肉質地薄身同脂肪少，入口肉味香濃。🍝墨汁大蝦魚籽意粉墨汁意粉爽彈掛汁，帶有濃郁嘅墨汁香味。上面有4隻彈牙鮮味嘅大蝦同咸鮮嘅粒粒三文魚籽，撈埋一齊食仲好味。🍗炸雞拼盤可以揀3款自己鐘意嘅口味，我哋都好鍾意食呢度嘅炸雞，炸到香脆唔會油淋淋，裏面仲保留住Juicy嘅肉汁。今次揀咗原味、芝士同蜜糖口味。炸雞配上蜜糖口味，帶嚟甜蜜嘅滋味。芝士口味落咗滿滿香濃嘅芝士粉，邪惡又美味！🍰小甘筍芝士蛋糕芝士形狀嘅蛋糕上面有片小甘筍，造型可愛。蛋糕輕盈軟綿，帶有淡淡甘筍甜味。🍹白桃甜蜜梳打清爽嘅粉紅色梳打帶有清香嘅白桃味，甜度較低。🍹荔枝梳打有兩粒荔枝肉係裏面，充滿香甜嘅荔枝味。📍 반찬앤쿡