影片
更多
2021-08-22
161 瀏覽
踩單車經過，原來雅都商場2樓翻新左做gogo mall ，有遊戲天地同埋好多新食肆，仲有一個food court 雲集咗唔同嘅小店。今次就喺咗喺food court最入最入嘅獨立小店食烤魚。店長都非常有善，不時會嚟問客人：咁你啲口味啱唔啱食啊？非常親切友善，應該都係做開街坊生意，見到好多客人自己點杯嘢飲叫個乾鍋，慢慢嘆！可惜朋友唔食得辣，所以我呢個辣妹冇得試乾鍋🥺烤魚 （鱸魚）$268 湯底可以揀酸辣、川府香辣、麻辣或豉汁香味，因為朋友所以揀咗酸微辣。有別於平時食開嘅烤魚，雙辣嘅烤魚上面唔係放普通嘅芫荽，反而係放上芹菜葉。一上碟，芹菜葉嘅香味已經非常撲鼻，將芹菜葉浸落酸辣湯，再夾一啲魚肉，芹香、酸辣同嫩滑魚肉融和喺口腔裏，醒胃又滋味。鱸魚外層炸得非常香脆，外皮更容易吸收酸辣湯，而且魚肉嫩滑。底層嘅配料都唔少嘢，有海量嘅酸菜、香菇、秀珍菇、芽菜、黑木耳、萵筍、薯粉同粟米。而粟米嘅份量更加唔止係一兩嚿係成條。早知有咁多配菜就唔使另外叫多碟炒萵筍。蒜蓉炒萵筍$58 萵筍切成又絲，非常爽口又夠入味。青檸梳打$26 係一杯新鮮青檸梳打，有別於普通餐廳用青檸汁沖嘅青檬梳打，呢杯係完全唔苦澀，仲好清
踩單車經過，原來雅都商場2樓翻新左做gogo mall ，有遊戲天地同埋好多新食肆，仲有一個food court 雲集咗唔同嘅小店。今次就喺咗喺food court最入最入嘅獨立小店食烤魚。
店長都非常有善，不時會嚟問客人：咁你啲口味啱唔啱食啊？
非常親切友善，應該都係做開街坊生意，見到好多客人自己點杯嘢飲叫個乾鍋，慢慢嘆！
可惜朋友唔食得辣，所以我呢個辣妹冇得試乾鍋🥺
烤魚
$268
5 瀏覽
0 讚好
0 留言
烤魚 （鱸魚）$268
湯底可以揀酸辣、川府香辣、麻辣或豉汁香味，因為朋友所以揀咗酸微辣。有別於平時食開嘅烤魚，雙辣嘅烤魚上面唔係放普通嘅芫荽，反而係放上芹菜葉。一上碟，芹菜葉嘅香味已經非常撲鼻，將芹菜葉浸落酸辣湯，再夾一啲魚肉，芹香、酸辣同嫩滑魚肉融和喺口腔裏，醒胃又滋味。
鱸魚外層炸得非常香脆，外皮更容易吸收酸辣湯，而且魚肉嫩滑。
底層嘅配料都唔少嘢，有海量嘅酸菜、香菇、秀珍菇、芽菜、黑木耳、萵筍、薯粉同粟米。
而粟米嘅份量更加唔止係一兩嚿係成條。
早知有咁多配菜就唔使另外叫多碟炒萵筍。
蒜蓉炒萵筍$58
萵筍切成又絲，非常爽口又夠入味。
蒜蓉炒萵筍
$58
6 瀏覽
0 讚好
0 留言
青檸梳打$26
係一杯新鮮青檸梳打，有別於普通餐廳用青檸汁沖嘅青檬梳打，呢杯係完全唔苦澀，仲好清香。
新鮮青檸梳打
$26
8 瀏覽
0 讚好
0 留言
張貼
