青森料理 (已搬遷) 新店位置

屯門， 其實又真係唔係無野好食嘅地方。當你好努力咁去發掘嘅時候，你就會發現屯門係一個唔錯嘅迦南地黎。今日唔知發起咩癲同個朋友行菠蘿山！幾過數小時嘅長征，終於征服左呢座山，行完就緊係餓喇，去左附近嘅體育館潔淨完之後，我個朋友生為屯門友，就帶左我去新墟呢間青森料理食日本野，但我心諗：有乜野比「x氣」好？不過算，身在異區，就信佢一次！而我人生嘅第一次都比左我個朋友（搭輕鐵呀！）到左之後，由我朋友發板叫餐。啲三文魚壽司到左，我當堂「嘩」左一聲！好長呀！！！！條三文魚！睇落個層次仲好分明！蟹籽沙律蟹籽真係爆多！蟹子控必要叫！火龍卷我覺得就無三文魚咁出色呢間日式料理，絕對抵食！下次可以特登出黎屯門再食多次！